BBC navigation

عدالت گرو.هی، افغانستان دولتی و دنیا جماعه چیلیگیدن جنایت چیلر محکمه بولیشینی سوره دی

Сўнгги янгиланиш 11 март 2013 - 13:04 GMT

بوگون کابلده اوتیش عدالت موافقلشتیرووچی گروهی بیر مطبوعات ییغین اوتکزیب، افغانستان دولتی همده دنیا جماعه چیلیگی دن بشری جنایتچیلیکده عیبلنگن جنایتکارلر نینگ محکمه گه بیریلیشی نی طلب قیلگن.

اوشبو گروه، دولت قوراللی مخالفلریدن هم، خودکش هجوملریده تینچ اهالی نی نشانگه آلمسلیکلرینی سوره گن.

مذکور گروه نینگ افغانستان دولتی و دنیا جماعه چیلیگی دن اوشبو طلبلری ، سونگی ده یوناما اداره سی 2012 ییلده کمیده 7500 تینچ اهالی اولیب یره لنگنی حقیده گزارش نشر ایتگن بیرپیتده، عملگه آشیریلماقده.

اوتیش عدالت موافقلشتیرووچی گروهی تینچ اهالی تلفاتی میزانی آشیب باره یاتگنی دن خواطر بیلدیریب، افغانستان دولتی همده دینا جماعه چیلیگی دن تلفات ییتکزیلگن عایله گه تاوان توله شی نی طلب قیلدی.

اوتیش عدالت موافقلشتیرووچی گروهی شونینگ دیک، دنیا جماعه چیلیگی دن دین و مذهب آتیدن فایده لنیب، خودکش هجوملر جایز بولگنی باره سیده فتوا بیره یاتگنلر، قاره رویخطه گه کیریتیلیشی کیره کلیگی نی سوره دی:"دین و مذهب گه اساس لنیب،خودکش هجوم لرنینگ جایزلیگی حقیده فتوا بیریب، و اولرنی تشویق و ترغیبلشه یاتگن شخصلرنینگ اسمی، قاره رویخط گه کیریتیلیشی نی سوره ی میز".

اوشبو گروه، بیرلشگن ملتلر تشکیلاتی نینگ یوناما اداره سی اوزی نینگ سونگی گزارشیده 2012 ییلده تینچ اهالی دن کمیده2750 نفر اولیب، باشقه 4800 ته سی جراحت آلگنی نی معلوم قیلگن بیرپیتده، اوز خواطرینی اظهار ایتگن.

بیرلشگن ملتلر تشکیللاتی نینگ مذکور گزارشیده شونینگدیک، میلادی 2012 ییلده حکومت و قوراللی مخالفلر ارا یوزبیرگن توقنه شوولرنیتجه سیده عیاللر و باله لر تلفاتی میزانی آشگنی هم قید ایتیلگن.

اوشبو گروه اعضالریگه کوره، سونگی ییللر ایچیده دولت و قوراللی مخالفلر ارا یوز بیرگن توقنه شوولر، اکثرآ استقامت منطقه لرده علمگه آشیریلگن.

مدنی جماعه چیلیک اداره لری قطاریده فعالیت آلیب باره یاتگن اوتیش عدالت موافقلشتیرووچی گروهی، افغانستان حکومتی و دنیا جماعه چیلیگی دن تینچ اهالی تلفاتی میزانی آزیشی مقصدیده، اوروش جنایت چیلری نینگ جزالنیشی اوچون مخصوص محکمه ایجاد ایتیلیشی نی سوره دی.

اولرگه کوره، هنوزگچه افغانستان دولتی و دنیا هم جمعیتی بوحقده هیچ قنده ی اعتبار قره تمه گن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.