BBC navigation

پاکستان و ایران اورته سیده بحثلی گاز لایحه سی ایشگه توشیرلدی

Сўнгги янгиланиш 11 март 2013 - 12:11 GMT

امریکا ایالاتی لایحه گه قرشی لیک کورسترکن، عاقبتی جزا چاره لری بولیشدن آگاه لنتیرگن.

پاکستان جمهور رئیسی آصف علی زرداری و ایران رهبری محمود احمدی نژاد ایککی دولتنی باغلاوچی بحثلی گاز قووری لایحه سینی رسمن آچیب بیرشدی.
امریکا ایالاتی لایحه گه قرشی لیک کورسترکن، عاقبتی جزا چاره لری بولیشدن آگاه لنتیرگن.
امریکا مذکور قووری ایرانگه کوپراق گاز ساتیش امکانیتنی یره تیش و تهران هسته وی دستوریگه قرشی سعی –حرکتلرگه سلبی تاثیر کورستیشی ممکن لیگنی ایتیب کیله دی.
پاکستان ایسه، اوزاق وقتدن بیری آرتگه تشلنیب کیلنه یاتگن گاز قووری لایحه سی مملکتده گی انرژی آزلیکنی معلوم درجهده ایچیشگه خذمت قیله دی، دیگن ایشانچده.
ایران طرفده گی لایحه بویچه ایشلر قریب نهایه تاپگن.دوشنبه کونی پاکستان ده گی قورولیشلرگه رسمن اذن بیرله دی .
جمع ٧٨٠ چقیریمنی تشکیل ایتده دیگن گاز قووری نی کیله سی ٢ ییلده قوریب بیتکزیش ریحه لنگن .واشینگتن پاکستان ده گی انرژی انقراضینی اینگیللتیشگه باشقه یوللر هم موجود لیگنی تاکید لب کیله دی .
پاکستان حکومتی ایسه، مملکتده انرژی تنقیص لیگی جوده کته مساله گه ایلنگنی، آرتیق امریکا قوشمه ایالاتی باسیملریگه اطاعت قیلمسلیگنی ایتدی.
اوتگن آی برق تامیناتده گی اوزیلیشلرگه جنوبی-غربی بلوچیستان ولایتده جایلشگن تاسیساتده گی تخنیکی نقصانلر سبب دیه کورستیلگن. اما ، مذکور حالت مملکت انرژی بویچه یوز توته یاتگن معمالرینی ینه بیر بار کون ترتیبیگه آلیب چیققندی.
بوندن آلدینراق، تشقی ایشلروزیری حنا رابنی هر قوور" پاکستان نینگ ملی منفعتلری"گه خذمت قیلیشنی ایتگندی.
بیراق، بی بی سی مخبری مایک ویلدریچ گه کوره، پاکستان گاز قووری نینگ ناتینچ بلوچیستان ولایتی آرقه لی اوتیشی جدی خوف سیزلیک معما لرینی کونده لنگ قویشنی هم انکار قیلمیدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.