BBC navigation

کرزی ینه بیرمرته طالبان و امریکالیک لر آره سیده اوچره شوو بولگنی نی ایتدی

Сўнгги янгиланиш 12 март 2013 - 13:29 GMT

افغانستان جمهور رییسی حامد کرزی، بوگون هلمند ولایتیگه کیتیب، مذکور ولایت محلی رسمیلری و یشاوچی لری بیلن اوچره شگن.

لشکرگاه شهریده یولگه قوییلگن یغینده جمهور رییس کرزی، ینه بیر مرته طالبان و امریکالیک لر آره سیده پاریس ده اوچره شیش بولگنی نی ایتیب، لیکن طالبان گروهی افغانستان عادی اهالی سی نینگ اولدیریشیگه قول اوریش لرینی بیان ایتگن.

کرزی جنابلری شونگه قوشیمچه قیلیب، طالبان گروهی امریکالیک لرگه خذمت کورسه تیشی نی ایتیب، مذکور مملت کوچلری افغانستانگه قالیشی نی ایسته یدیلر دیب معلوم قیلگن.

سونگی کونلرده افغانستان جمهور رییسی حامد کرزی تورلی مسئله لر توغری سیده امریکا قوشمه ایالت لری نی جدی شکلده تنقید آستیده آلیب کیلماقده. بو تنقید لر جریانیده بوگون کرزی جنابلری، بیر سفر آرقه لی هلمند ولایتی گه کیتیب، مذکور ولایت محلی رسمیلری و آقسقاللری بیلن بولگن اوچره شوویده ینه بیر مرته، طالبان و امریکا لیک لر آره سیده مذاکره لر یولگه قوییلگنی نی بیان ایتگن.

" پاکستان نینگ کویته سیده حیات کیچیره یاتگن طالبان رهبر لری، دنیا نینگ ایریم مملکت لری پایتخت لریگه مخصوص اوچاغ لر آرقه لی سفر قیلیش لریدن بیز خبردار میز. و او ییرده خارجی لر بیلن مذاکره آلیب باره دیلر. اوچ آی ایلگری فرانسه ده، هم افغانستان بیر قنچه سیاسی لری بیلن همده خارجی لر بیلن مذاکره آلیب باردیلر. فرانسه ده افغان سیاسی کیشی لر بیلن صحبتلشه دیلر و خوست گه کیلیب افغان باله لرینی اولدیره دیلر. فرانسه گه مذکور مملکت رسمیلری بیلن چای و کافی ایچه دیلر و کابل گه کیلیب خود کش لیک هجوم یولگه قویه دیلر. و زور لرینی امریکا گه کورسه ته دیلر. پاریس گه چوکلات ایه دیلر و کابل گه خودکش لیک هجوم یولگه قویه دیلر."

قندهار ولایتی ده بیر یاش نینگ امریکا لیک لر اوشله ب آلیب قیته دن قوییب یوبارگنی، میدان وردگ دن ایککی هفته ایچیده امریکا نینگ مخصوص کوچلری چیقیشی بیلگی لنگنی بیلن، هنوز گه قدر چیقمه ی مذکور ولایتده فعالیت قیله یاتگن لری و بگرام قماقخانه سی، جاری هفته نینگ بیرینچی کونیده افغان کوچلریگه تاپشیریلمه گنی، و شونگه اوخشش ینه بیر قنچه مسئله لر، جمهور رییس کرزی نینگ غضبلنیشیگه سبب بولیب، امریکا قوشمه ایالت لریدن تنقید قیلیب کیلماقده.

کرزی جنابلری بوگونگی سفری جریانیده، بگرام قماقخانه سیگه سقله نیب کیله یاتگن هلمند لیک لرنی قماقخانه مسوولیتی افغان لرگه اوتیشی بیلن قوییب یوباریلیشی نی هم اعلان قیلگن.

افغان رسمیلری بگرام قماقخانه سی افغانستان حکومتی گه تاپشیریلمه گنیگه بیر قنچه تخنیکی قیین چیلیک لر باعث بولیب بو معما لرنینگ زودلیکگه حل بولیشی اوستیده تاکید له گنلر.

افغانستان جمهور رییسی نینگ مذکور تنقیدی سوزلری گه قرگنده، امریکا نینگ افغانستانده گی ایلچیلیگی و ناتو نینگ افغانستانده گی قوماندانی عکس العمل کورسه تیب کیلگن لر.

امریکا نینگ افغانستانده گی ایلچی سی، طالبان بیلن هیچ قنده ی مذاکره یولگه قوییلمه گنی نی ایتیب، بو مذاکره لر افغانستان رهبرلیگیگه بولیشی اوستیده تاکید لشگن میز دیب معلوم قیلگن.

عین زمانده افغانستان دولتی و طالبان گروهی رسمی نماینده لری نینگ آره سیده صلح اوچون یولگه قوییله یاتگن مذاکره لرنی امریکا نینگ کابلده گی ایلچی لیگی چیکلنگن دیشیب، افغانستانده صلح تامین بولیشی طالبان نینگ کیله سی آدم لریگه باغلیق ایکن لیگی توغری سیده تاکید لب اوتگن.

کرزی و امریکا آره سیده یولگه قوییلگن قره مه قرشی فکر لرگه قرگنده، بیر قنچه کوزه توچیلر ایسه، افغانستانده حاکم بولگن بیر یاقلمه سیاسی حرکت لر و مملکتده خلق ارا استراتیژیک لرنینگ جلب ایتیشی اوچون یخشی بیر استراتیژیک و برنامه بولمه گنی باعث، جمهور رییس کرزی اوزی نینگ حاکمیتینی بوش حس قیله دی دیب فکر بیلدیره دیلر.

اما ینه بیر قنچه گه کوره، کرزی جنابلری، امریکاگه قره ته یوریته یاتگن سوزلری، افغانستان نینگ خلق ارا هم جمعیت مملکت لری اینیقسه، امریکا قوشمه ایالت لری بیلن بولگن علاقه لرگه جدی خساره ییتکزیب نتیجه ده افغانستان منفعتیگه بولمه یشی اوستیده تاکید له یدیلر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.