BBC navigation

بدخشان ولایتیده اونلب عایله طالبان دن قورقیب قاچیب چیقگنلر

Сўнгги янгиланиш 13 март 2013 - 12:24 GMT

بدخشان مرکزی فیض آباد نینگ آلتمیش کیلومترلیگی ده جایلشگن وردوج تومنی نینگ اخشیره قیشلاغی دن 288 عایله طالبان دن قورقیب، اوز اوی جایلرینی ترک ایتیشگه مجبور بولگنلر.

اوشبو خبرنی محل خوفسیزلیک مسووللری تصدیقله گنلر.

اوتگن هفته وردوج تومنیده افغانستان ملی اردو عسکرلریدن 23 ته سی قوراللی طالبان نینگ پیستیرمه سیگه توشیب، قولگه آلیندی. اولردن ییتی ته سی کیینچه لیک طالبان تمانیدن قوییب یوباریلیب، 16 ته سی ایسه آتیب اولدیریلیب، جسدلری وردوج تومنی اهالیسیگه تاپشیریلدی.

وردوج تومنی حاکمی دولت محمد خاور نینگ بی بی سیگه ایتیشیچه، اوی جایلرینی ترک ایتیشگه مجبور بولگنلر، ایکی مینگ عایله دن عبارت.

اونگه کوره، طالبان مذکور اهالی دن افغان خوفسیزلیک کوچلری برابریده قلقان صفتیده فایده لنیش نیتی ده ایکنلر.

اوشبو عایله لرگه کوره، قوراللی طالبان اولرنینگ اوی جایلریگه کیلیب، افغانستان ملی اردو کوچلریگه قرشی جنگ قیلیش اوچون تیارگرلیک کورماقده لر.

اولر شونینک دیک، طالبان اولر گه اوز اوی جایلرینی ترک ایتیش دستورینی صادر قیلگنلر.

وردوج تومنی حاکمی، اهالی نینگ سوادسیز لیگی، اولردن بیرقطاری پاکستان گه باریب، تعلیم آلیب، افغانستان دولت کوچلری گه قرشی جنگ قیلیشگه ترغیبلنگنی نی تاکیدله گن.

خاوری جنابلری، مذکور تومن نینگ تقدیری حقیده جدی اعتبار قره تیلمه گن تقدیرده، مخالفلر وردوج نی تصرف ایتیب، اشکاشیم، زیباک، شغنان و خاش تومنلری نی بدخشان مرکزی بیلن باغله ی دیگن یوللرینی کیسیب قوییشی ممکنلیگینی باره سیده آگاه لنتیرگن.

وردوج بدخشان نینگ ییگیرمه ییتی تومنلریدن بیری دیر که، افغانستان دولتی و قوراللی مخالفلری اوچون استراتیژیک اهمتیگه ایگه.

افغانستان نینگ شمالشرق حدودیده جایلشگن بدخشان ولایتی، مملکت نینگ ناتینچ ولایتلریدن بیری حسابلنه دی.

عین حالده، تخار دن ییتیب کیلگنلر خبرلرگه کوره، اوشبو ولایتده بیر قطار شفاکارلر آیلیکلری دولت تمانیدن توله نیلمه ی یاتگنی باعث، ایش تشلشگه قول اورگنلر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.