BBC navigation

حامدکرزی سوزلری آرتیدن ایساف کوچلری فوق العاده حالتگه کیرتیلگن

Сўнгги янгиланиш 14 март 2013 - 13:33 GMT

جمهور رئیس کرزی نینگ سونگی نطق لری وضعیت نی ینه ده ترنگ لشترگن.

افغانستان ده فعالیت قیله یاتگن ایساف حربی کوچلری جمهور رئیس حامد کرزی نینگ سوزلریدن سونگ فوق العاده حالتگه کیرتیلگن.
ایساف قوماندانلری سونگی کون لرده جمهور رئیس نینگ غرب گه قرشی قرتیلگن نطق لریدن خواطرگه توشگنلر.
اولرگه کوره، افغان قوشونلری اولر بیلن بیرگه کوره شه یاتگن خارجی عسکرلرگه قرشی هجوم ایتیشی ممکن.
ایساف کوچلری قوماندان جنرال جوزف دانفورد نینگ ایتیشچه جمهور رئیس کرزی نینگ سونگی نطق لری وضعیت نی ینه ده ترنگ لشترگن.اونینگ تعریف لشیچه ، کرزی نینگ سوزلرینی ایشتگن افغان ملی خوف سیزلیک کوچلری خارجی قوشونلرگه قرشی هجوم اویشتریشلریگه سبب بولیشی احتمالی کتته.انترنت واسطه سیده یوبارلرگن مکتوبیده جنرال جوزف دنفورد، جمهور رئیس سوزلرینی تحلیل قیلر ایکن بوندی یازگن،" اونینگ نطقی بیز نینگ قوشون لرمیزگه قرشی چقیشنی افغانلرنی گیژگیژله تیشی ممکن. جمهور رئیس حامد کرزی عسکرلرمیزنی خوف آستیگه قویماقده."قوماندان لیک نینگ خوف توصیه سی دیب نام آلگن خربی تیارگرلیک همه گه معلوم بولمه گن بولسه هم، بیراق نیویورک تایمز روزنامه سی مکتوب نینگ نسخه سینی قولگه کیرتیشگه موفق بولگن . خارجی کوچلر چیقارگن بیاناتده، امنیت چاره تدبیرلری اوته احتیاط کارلیکدن عملگه آشیرله یاتگنی بیراق بونگه سبب عصیانچی لرنینگ خارجی عسکرلرگه اویشترگن هجوم لرنینگ ساننی آشیب کیتگنی بیلن توشنتیرگن.جمهور رئیس کرزی امریکالیک لرنینگ افغانستان حکومتنی مینسیمسلیککه عاید حرکت لریدن اوته غضب لنگن. او اوزی نینگ اینگ یقین اتفاقچی سی بولمیش امریکا کوچلرینی طالبان بیلن بیرمقصد گه ایگه دیب عیبله دی. ایککله طرف اورته سیده گی مناسبتلر اینگ پست درجگه توشگنی بیلن، رسمی واشنگتن جمهور رئیس نینگ سونگی نطق لری ناتو باشچیلیغیده گی عملیاتلرگه تاثیر قیلمیدی دییه تاکیدله ماقده.بعضی دیپلماتلرنینگ ایشانچلریچه، جمهور رئیس کرزی نینگ سوزلری افغان خلقیگه ملتچی موقعینی مستحکملشگه قره تیلگن. طالبان حرکتی جناب کرزی نینگ غرب حکومتلرنینگ قولیده گی قوغیرچاق دیه تنقید قیله دی.
افغانستان جمهور رئیسی اولراق ترقه تیلگن بیاناتده امریکا و باشقه مملکت لر بیلن یخشی علاقه لرنی قوریشگه طرفدار بولگنینی ایتگن. اونگه کوره ایککی تمانلمه علاقه لر حرمت و افغانستان مستقل لیگیگه احترام اساسیده بولیشی کیرک. او امریکا گه قرشی ایتگن سوزلری ، هر ایککله مملکت آره سیده کی علاقه لرنی رواجلنتریش مقصدیگه ایتلگنینی تاکید له گن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.