BBC navigation

ولسی جرگه: کانکور سیناوی نتیجه لری قیته دن تیکشیریلسین

Сўнгги янгиланиш 16 март 2013 - 14:16 GMT

افغانستان ولسی جرگه سی سونگی کانکور سیناوی نتیجه سیده بیر قنچه قلاب کارلیک لرنینگ تیکشیریشی اوچون قوشمه بیر کمیسیون ایجاد ایتگن.

مذکور کمیسیون ایشلری توگمه گونچه اعلان ایتیلگن مملکت کانکور نتیجه سی تعلیق حالتیگه قاله دی.

مذکور کمیسیونده، افغانستان پارلمانی نینگ ولسی جرگه و سنا مجلسی نینگ تعلیم و تربیه کمیسیون لری و بیر قنچه مدنی تشکیلات لر بیلن قوشیمچه افغانستان عالی تحصیلات وزیرلیگی اعضا بولیب کانکور نتیجه سی نینگ قیته دن تیکشیره دیلر.

کانکور سیناویده قلاب کارلیک لر یوز بیرگن مسئله لرینی قیته دن تیکشیریشیگه مذکور سیناو نتیجه سیدن ناراض بولگن لر اعتراضلری کینگه یشی باعث بولگن.

بوگون ولسی جرگه اعضالری مملکت عالی اوقو وزیری نی مجلسگه جواب بیریش اوچون چقیردیلر.

بیرقنچه ملت وکیل لر کانکور سیناوی نینگ نتیجه سی بیر قنچه قوم لر منفعتیگه بولگنی نی ایتسه ده بیر قنچه سی ایسه مذکور سیناوده کوپ گینه قلاب کارلیک و فساد بولگنی اوستیده تاکید له دیلر.

شونده ی بیرحالده افغانستان عالی اوقوو وزیری نینگ اورین باسری صدیق بری ایسه شو عیب لاولرنینگ انیقلش اوچون بیر کمیسیون ایجاد ایتیلیشینی طلب قیلدی.

" خدا قیلمه سین، بیر قوم و بیر ولایت حقلری کانکور سیناویده تلف بولگن سوزلرنی بوتکل رد ایته من. اما استثناً قلاب کارلیک می، نقل آلیش و شونگه اوخشه گن باشقه مسئله لر همه ولایت لرگه یوز بیرگن. بیز هم 542 مورد قلاب کارلیک نی کشف ایتگن میز. مینی ایسته گیم مدنی تشکیلات لر، پارلمان و فسادگه قرشی کوره شووچی اداره لردن شو کی، کیلینگلر بیر کمیسیون ایجاد ایتیب، حجت لرنی تیکشیریله یلیک."

خود شو طلب لر گه بنأ اولوسی جرگه اورین باسری میرویس یاسینی بیر قوشمه کمیسیون ایجاد ایتیلیش بویروغینی بیریب، تیکشیریش ایشلر توگه مه گینچه کانکور سیناوی نینگ سونگی نتیجه سی تعلیق حالتیگه قالیشی اوستیده تاکید قیلدی.

ولسی جرگه نینگ مذکور قراری، سونگی کانکور سیناوی نتیجه سیدن اعتراض بیلدیرگن لر اوچون یخشی بیر حرکت ایدی. اما 40 مینگ دن آرتیق مملکت عالی اوقو درگاه لریگه یول تاپگن لر اوچون یمان بیر خبر حسابلنه دی.

جاری ییلده کانکور سیناوی نتیجه سیده،175 شخصدن 42 مینگ دن آرتیق طلبه مملکت فاکولته لریگه یول تاپگن لر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.