BBC navigation

افغانستان حکومتیگه مخالف سیاسی حزبلر، طالبان بیلن مذاکره قیلگنی نی رد ایتدیلر

Сўнгги янгиланиш 19 март 2013 - 13:08 GMT

افغانستان حکومتی گه مخالف سیاسی حزب و ایتلافلر رهبرلری، قوراللی طالبان و گلبیدن حکمتیار رهبرلیگی ده گی اسلامی حزب بیلن مذاکره باشله گنی حقیده گی خبر نی رد ایتدیلر.

بیر قطار عاموی اخبارات واسطه لری، حکومت نینگ سیاسی مخالفلری و قوراللی طالبان ارا مذاکره لر دوام ایته یاتگنی و چیت ایل کوچلری نینگ افغانستان نی ترک ایتگن سونگ، اوز ارا کیلیشووگه ایریشگنلیگی حقیده خبرترقتگنلر.

اما افغانستان حکومتی گه مخالف سیاسی ایتلافلر، پاریس ییغینیدن سونگ، هیچ بیر قوراللی گروه بیلن توغری و ناتوغری مذاکره عملگه آشیرمه گنی نی ایتگنلر، لیکن قوراللی مخالفلر بیلن صلح مذاکره سی باشله نیشی ممکنلیگی باره سیده تاکیدله گنلر.

افغانستان حکومتی گه مخالف سیاسی ایتلافلر، بیرقطار عاموی اخبارات واسطه لری اوشبو حزبلر قوراللی طالبان و گلبیدن حکمتیار رهبرلیگی ده گی اسلام حزبی بیلن مذاکره باشله گنلیگی حقیده خبر نشر ایتگن دن سونگ، اظهارات چیقیردیلر.

سیاسی مخالف حزبلر نینگ ایتیشیچه، اولر هیچ بیر قوراللی مخالف بیلن توغری یا نا توغری روشده صلح حقیده مذاکره آلیب بار مه گنلر.

اوشبو مخالف سیاسی حزبلر رهبرلریدن داکتر عبدالله عبدالله، هردایم حکومت نی تنقید ایتیب، پاریس ییغینیدن کیین اولر هیچ بیر گروه بیلن مذاکره قیلمه گنی نی ایته دی:"بیز ارا هیچ قنده ی علاقه اورنه تیلمه گن. بیز طالبان وگلبیدین باشچیلیگید ه گی اسلام حزبی بیلن علاقه اورنه تمه گنمیز.پاریس مذاکره سیده مذاکره قیلدیک. سیاسی حزبلر نینگ همکارلیک کینگشی تمانیدن هم هیچ قنده ی مذاکره علگه آشیریلمه گن."

حکومت گه مخالف حق وعدالت ناملی حزب هم، قورالی طالبان و حکمتیار حزبی بیلن تینچلیک مذاکره سی عملگه آشیریلمه گنی باره سیده تاکیدله دی.

اوشبو حزب سوزچیسی و کینگش رهبرلیگی اعضاسی حمیدالله فاروقی بوحقده بونده ی دییدی: "بیزنینگ حزبی میز طالبان گروهی و حکومتیارحزبی بیلن مذاکره قیلگنی حقیده گی خبر نی رد ایته من."

اما، اوشبو مخالف حزب وایتلافلر کورینیشیچه، قوراللی طالبان و اسلامی حزب بیلن تینچلیک مذاکره لرنی باشله شی ممکن.

عبدالله جنابلری، قوراللی مخالف گروه لر اونینگ بویروغی و تکلیفلری اساسیده افغانستان حکومتی بیلن مذاکره قیلگن تقدیرده، اولر بیلن مذاکره قیلیشی ممنلیگی نی تاکیدله دی: "بیز مذاکره نی خواهله ی میز. مگم بیزنینگ شرطی میز شو که، طالبان بیر بار افغانستان حکومتی بیلن مذاکره نی اعلان قیلسینلر. بیز اوشبو تیزیم گه قرشی ایمس میز. اما طالبان تیزیم گه قرشی دیر. مگر طالبان هنوزگچه بو شرطلرنی قبول قیلمه گنلر."

افغانستان مسله سیگه اره لشگن برچه تمانلر، حاضرگی کونده اوشبو مملکتده تینچلیک تامینلنیشی اوچون چاره تدبیر کوریب چیقیش گه حر کت قیلماقده لر. اولر، اوروش بیلن معما حل ایتیلمسلیگی نی انگلب، سیاسی یوللر آرقه لی حل یول قیدیریش کیره لیکلیگی باره سیده تاکید له ماقده لر.

افغانستان جمهور رییسی حامدکرزی هم مسله سیاسی یوللر آرقه لی حل ایتیلیشی نی تاکیدلب کیلگنف اما هنوزگچه مملکت ده گی بوتون سیاسی مخالف حزب وایتیلافلرنینگ، قوراللی طالبان بیلن بیران تینچلیک کیلیشووگه ایریشه آلیشلری معلوم ایمس.

[an error occurred while processing this directive]

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.