BBC navigation

افغانستان نینگ هوا شرکتلری انقراض خطریگه رو په ره بولگنلر

Сўнгги янгиланиш 20 март 2013 - 13:13 GMT

بی بی سی تمانیدن عملگه آشیریلگن بیر تحقیقی گزارشده کورستیلیشیچه، صافی هوا شرکتی 35 میلیون و کام ایر شرکتی ایسه 48 میلیون دالر خساره کورگنلر. بوندن تشقری آریا نا دولت شرکتی هر هفته مینگلب دالر ضرر کوره دی

اوشبو شرکتلر رییسلری نینگ ایتیشیچه، اولر خارجی کوچلی شرکتلر بیلن بیر تینگسیز رقابت گه دوچ کیلیب، خساره نی تن آلیب، خارجگه ناچار پرواز بجریشگه مجبورلر.
موضوع تفصیلاتی بیلن کابلدن حیات شیبان.

هر کونی بو ییردن اوچ مینگ یولاوچی خارجگه اوچه دیلر. کابل هوا میدانی ده حاضرگی کونده اوچ ایچکی هوا شرکتی دن تشقری، اون دن آرتیق خارجی شرکتی فعالیت قیلماقده.
اوشبو خارجی شرکتلر دولت نینگ اقتصادی سیاستی آرتیدن، افغانستان فضاسی و هوا قونلغه لریدن کوپراق فایده لنیشگه حقیگه ایریشگنلر. چونکه افغانستان نینگ هوا شرکتلری هم خارج مملکتلری نینگ هوا سیدن فایده لنه دیلر.
خارجی هوا شرکتلری نینگ مملکت کیریب کیلیشی بیلن، افغانستان نینگ ایچکی هوا شرکتلری میلیون لب دالر خساره کوریب، کوپچیلیک مشتریلرینی قولدن بیرگنلر.
کام ایر هوا شرکتی اداره سی معاونی تیمور شهاب، 48 میلیون دالر ضرر کورگنی دن سونگ، اوزی نینگ کوپچیلیک خارجی پروازلرینی بوشتگنینی تصدیقله یدی:"دوبی گه قیله دیگن اوچ پروازیمیز نی بوشتدیک، بو ایش نی اقتصادی ضرر سبب بجردیک، آیی گه بیر میلیون دالردن آرتیق ضرر کوردیک. اوچ ییل مابینیده فقطگینه دوبی یولی دن بیز گه 48 میلیون دالر دن زیاد خساره ییتدی."
شهاب جنابلری هم، ایچکی هوا شرکتلری مسووللری سینگری، بیرقطار خارجی شرکتلر ایچکی شرکتلرنی آسقسه تیش و انقراضگه دوچ قیلیشی اوچون،اوزی نینگ پرواز تیکیتلری نرخی نی نیچه برابر ارزانلشتیرگنی حقیده ادعا قیلماقده.
اوشبو رقابت صافی هوا شرکتی نی هم یامان وضعیت رو په قیلگن. مذکور شرکت رییسی غلام حضرت صافی، درآمد قولگه کیریتیش اوچون کته امید بیلن اورپا گه پروازلرینی باشله گنلر، اما حاضر بو یولدن 35 میلیون دالر خساره کورگنی نی ایته دی:"صافی هوا شرکتی اوزی نینگ اوروپا پرواز تعطیل قیلینگنی باعث، 35 میلیون دالر ضرر کوردی. افغانستان نینگ ترانسپورت وزیرلیگی قاره رویخطگه کیریتیلگن شو سبب دن اروپا گه اوچه آلمه ی میز."
صافی گه کوره، دولت افغانستان نینگ هوا شرکتلریده گی حاکم وضعیت گه، توغری سیاستلرنی آلغه سورگن ده ایدی، اولر اوز تیکیتلری نرخی نی 40 فایزگه قویی توشیریشگه مجبور بولمس ایدیلر.
آریانا هفته ییگه ایکی مرته تورکیه باریب کیله دی، اوچاق ده 250 نفر سیغه دی، اما موجود یولاوچیلرسانی یوز آزیراق. بیر بار پروازنینگ خرجتی 80 مینگ دالر بوله دی، اما اوشبو پرواز دن کمیده 30 مینگ دالر درآمد قولگه کیله دی:"بوندن آلدین بیزنینگ اوچاغیمیز تولیب باریب، تولیب کیلردی. مثال اوچون حاضر تورکیه گه اوچاغیمیز یریم باریب یریم کیله دی."
اما یولاوچیلر افغانستان گه کیلیب کیتیشده نیمه اوچون خارجی هوا شرکتلرینی خوش قرشی له یدیلر؟
«آریانا وباشقه ایچکی شرکتلر یوق، مین دوبی گه باره من او ییردن کیین ریاضگه اوچه من خارجی اوچاقلرنینگ صفتی یخشی یخشی آلیب باره یخشی آلیب کیله دی.»
«مین هندوستان گه سفر قیلماقده من.هندیا شرکتی نی معقول له ی من چونکه بونده قوله یلیکلر کوپ و نرخی هم ازران."
یولاوچیلراوچون خذمتلر صفتی یخشی لنگنی و مناسب بیله شوو ایجاد ایتیلگنی گه، افغانستان هوا یوللری وزیرلیگی تمانیدن مملکت آسمانی خارجی شرکتلر گه آچیب قوییلگنی دلیل قیلیب کورستیلگن.
افغانستان ترانسپورت وهوا یوللری وزیرلیگی اورین باسری حامدظاهرنینگ ایتیشیچه، اولر افغانستان نینگ آبرو اعتباری دنیا مقیاسیده کوته ریش و درآمد قولگه کیریتیش اوچون بو روش نی یولگه قویگنلر:"شونده ی که بیزنینگ هوا شرکتلریمیز خارج مملکتلر گه پرواز قیله دیلر، اولر نینگ شرکتلری هم افغانستان گه اوچیب کیلیشگه حقلی دیر. البته بوحقده اولربیلن شرطنامه باغله گنمیز اولر انه شو شرطنامه اساسیده تعینلنگن حدودلرگه اوچه دیلر."
افغانستان حکومتی، ایچکی هوا شرکتلری اوز خذمتلرینی یخشی لشتیریش بیلن، بیله شوولرده غلبه قازانیشلری حقیده تاکید له ماقده. اما ایچکی هوا شرکتلری، گوبسنگی خارجی شرکتلر بیلن رقابتگه توشه آلمسلیکلرینی ایتیب، وضعیت شونده ی دوام ایتگن تقدیرده اولر تیز آره ده انقراضگه روپه ره بولیشلری ممکنلیگی نی حقیده آگاه لنتیرگنلر.
اوشبو شرکتلرنینگ تقدیری هم افغانستان اوچون و هم اوییرده ایشله یدیگن ایکی مینگ نفر اوچون اهمیتلی دیر.
افغانستان دولتی ییلی گه مذکور شرکتلردن 25 میلیون دالر درآمد قولگه توشیره دی. اقتصادی کوزه تووچیلر، اوشبو شرکتلرنینگ انقراضگه دوچ کیلیشیگه سبب بولیب، افغانستان اوزی نینگ دنیا هوا یوللری بازارلریده ملی کیملیگی نی قولدن بیریب، اونی قیته تیکلشگه ییلرنی طلب قیلیشی ممکنلیگی نی ایتماقده لر.

* تولدریشی شرط بولگن جایلر

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.