BBC navigation

افغانستان نینگ جنوبی حدودیده گی بیر دینی مدرسه ده روی بیرگن خودکش هجومده،

Сўнгги янгиланиш 21 март 2013 - 14:36 GMT

بیش کیشی هلاک بولگن

اوشبو حادثه هلمند ولایتی ده روی بیریب، کمیده بیش اوسمیز باله حیاتی نی قولدن بیرگن.

حادثه ینگی ییل نینگ ایلک کونیده عملگه آشیریلگن.

هلمند ولایتی محل مسووللری، حادثه نی تصدیقلب، واقعه بوگون ایرته لب ولایت نینگ مارجه تومنیده گی بیر دینی مدرسه ده، یاش اوسمیر باله لر گه خودکش هجوم بوییچه تعلیم بیریله یاتگن بیر چاغده یوز بیرگنی نی ایتگنلر.

مذکور حادثه ده باشقه آلتی نفر هم یره لنگن.

هلمند ولایتی نینگ مارجه تومنی، مملکت نینگ ناتینچ منطقه لریدن حسابلنه دی.

هلمند حاکمی سوزچیسی احمدزیرک نینگ بی بی سیگه ایتیشیچه، اوسمیر باله لر، خودکش هجوم اویوشتیریش بوییچه تعلیم کوره یاتگن بیرچاغده، پارتلاوچی ماده دن توله بولگن کییملردن بیری، ترقه لیب کیتگن.

بوندن آلدین هم دینی مدرسه لرده قوراللی مخالفلر خودکش هجوم بوییچه تعلیم بیره یاتگنلیگی حقیده خبر ترقلگن ایدی، اما دولت، دینی تعلیمگاه لر نظارت قیلینه یاتگنی نی ایتگن ایدی.

تخار ده روی بیرگن قانلی پارتلش

تخار ولایتی نینگ اشکمس تومنیده روی بیرگن پارتلش ده، اشکمش تومنی حاکمی عبدالمناف حکیمی حیاتی نی یوقاتگن.

تخار پولیسی نینگ ایتیشیچه، حکیمی جنابلری بوگون ایرته لب اویی یقینیده جایلشتیریلگن بیر ماین پارتلشی نتیجه سیده هلاک بولگن. اوشبو حادثه ده ایکی نفر اولیب، باشقه ایکی کیشی یره لنگن.

طالبان گروهی عبدالمنان حکیمی اولیمی نینگ مسوولیتی نی اوز بوینیگه آلیب، اشکمش حاکیمی نی بیر نیچه خوفسیزلیک قوریقچیلری بیلن اولدیرگنلیکلرینی ادعا قیلگنلر.

[an error occurred while processing this directive]

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.