BBC navigation

بدخشان ولایتی نینگ وردوج تومنیده 43 طالب هلاک بولگن

Сўнгги янгиланиш 23 март 2013 - 06:07 GMT

محلی مقاملرگه کوره، بدخشان ولایتی نینگ وردوج تومنیده یولگه قوییلگن قوشمه حربی عملیات نتیجه سیده 43 قوراللی طالب قربان بولگن.

بدخشان ولایتی نینگ ولایت حاکمی سوزچیسی عبدالمعروف راسخ، قوشمه عملیات وردوچ تومنیده گی طالبان نینگ یوق ایتیش اوچون یولگه قوییلگنینی اورغولب، اوشبو تومنگه تیگیشلی بولگن، پل و جال ، شهید آباد، برابرا و هواسه منطقه لری طالبلر دن تازه لنگنینی ایتگن.

شونینگ دیک راسخ جنابلری، عملگه آشریلگن، هوای هجوم نتیجه سیده 43 قوراللی طالب قربان بولگنینی معلوم قیلگن.همده اونگه کوره اولر مابینیده طالبان نینگ محلی قوماندانلری هم موجود.

محلی مقاملر، مذکور عملیات جریانیده تینچ فقرا گه هیچ قندی تلفات یتکزیلمه گنینی ایتگنلر.

شونگه علاوه ولایت حاکمی سوزچیسی منطقه ده جونه تیلگن قوشیمچه کوچلردن بیرقسمی وردوج تومنیده موجود لیگینی تاکیدلب ضرورت بولگن حالده، حربی عملیات یولگه قویلیشینی تاکیدله گن.

طالبان عصیانچیلری رسانه لرگه پیام یوللب طالبان نینگ هلاک بولگنینی رد ایتگن.

اوتگن آی 288 عایله طالبان تهدید لری باعث وردوج تومنینی ترک ایتگنی خبرقیلینگن ایدی. همده حوت آی نینگ اورته لریده عینی تومنده افغان عسکرلریدن 23 ته سی طالبان کمینیگه دوچ کیلیب اولر تمانیدن اسیر آلینگن ایدی .

اوشلنگن عسکرلردن یتتی ته سی قویب یوباریلیب، باشقه قالگنی ایسه طالبان تمانیدن اولدیریلدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.