BBC navigation

معارف وزیرلیگی: حاضرگه قدر هم باله لردن 24 فایزی مکتب دن محروم قالماقده

Сўнгги янгиланиш 23 март 2013 - 10:03 GMT

افغانستان جمهورریسی حامدکرزی ینگی تعلیم ییلی مناسبتی بیلن چیقیش قیلیب، طالب آتی بیلن مکتب لرگه اوت قویه دیگن شخصلردن بو ایشلری بیلن افغان باله لری بیلن تعلیم آلیش خصوصیده دشمنلیک قیلیش لریدن قول تارتیشلرینی سوره دی.

شونینگ دیک کرزی جنابلری، اوتگن اون بیر ییل جریانیده ایریم مکتبلرگه اوت قوییلگن و یا هم باغلنگنینی تیلگه آلدی.

بو مناسبت بیلن اویشتریلگن یغینده افغانستان جمهوررییسی حامدکرزی قوشیمچه کابینه اعضاسی و ایریم تشقی دیپلمات لر حصه قوشگن ایدی.

عین مراسمده، سوز یوریتگن معارف وزیری فاروق وردک، مملکت باله لریدن 24 فایزی حاضرگه قدرهم مکتبگه باره آلمسلیگینی تیلگه آلدی.

اونگه کوره بونگه، تینچلیکلر اساسی عامل قیلیب کورستیلگن.

باشقه تماندن افغانستان جمهور رییسی حامدکرزی، طالبان نینگ مکتب گه قرشی لیک بیلدیرمسلگیگه چقریب، مکتب باله لرینی بیر ولایت دن باشقه بیر ولایت گه علمی سیاحت گه آلیب باریش برنامه سی باشله نیشینی معارف وزیرلیگیدن سوره دی.

شونگه علاوه جمهوررییس کرزی، به دولت کیشی لرنی معارف گه مادی یاردم قیلیشیگه اونده ب، اعانه یغیش صندوغی ایجاد ایتیلیشیگه تاکیدله دی.

باشقه تماندن معارف وزیرلیگی رسمیلری، وطن دوستلیک آتی بیلن ینگی درسلیک کتاب مکتب لرده درس بیریلیشی باره سیده خبر بیردی.

معارف وزیری فاروق وردک نینگ ایتیشچه، 1302. تعیلیمی ییلده بیر یریم میلیون باله ینگیدن مکتب لرگه شامل بوله دی بو جمله دن 41 فایزی قیز باله لردن عبارت بولگن.

شونینگ دیک او، اوتگن ییل کمیده اوچ یوز مینگ مکتب اوقوچیلری اون ایککینچی صنف نی بیتیرگنی نی تیلگه آلدی.

شونگه علاوه معارف وزیری ینگیدن 70 میلیون درسلیک کتابلر چاپ بولگنیدن خبر بیردی.

حاضرگی کونگه قره گنده، قریب توقیز میلیون مکتب اوقوچیلری اوقیش بیلن بند، بو رقم دن قیرق فایزینی قیز طلبه لر تشکیل بیره دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.