BBC navigation

جمهورییس کرزی نینگ قطرگه سفر قیلیشی کوتیله دی

Сўнгги янгиланиш 24 март 2013 - 12:21 GMT

افغانستان تشقی ایشلر وزیرلیگی، یقین آره ده حامدکرزی قطرگه سفر قیلیشینی ایتیب، کوتیله یاتگن مذکور سفر جریانیده ایکی تمانلمه اوچره شوده صلح برنامه لری بار هسیده هم قطر رسمی لری بیلن بحث آلیب باریلیشی ممکن لیگینی معلوم قیلگن.

طالبان عصیانچیلری بیلن یوزمه یوز مذاکره اوتکزیش اوچون قطرده رسمی دفتر آچیلیشی قریب بیرییل دن بیری قیزیق بحث لرگه ایلنگن.

افغانستان حکومتی طالبان عصیانچیلری بیلن مذاکره قیلیش اوچون ایریم شرط شرایط لرینی هم الغه سورگن. اساسی قانوننی قبول قیلیش، و القاعده ترماغی بیلن طالبان عصیانچیلری اوز علاقه لرینی کسیب قوییش افغان حکومتی تمانیدن آلغه سوریلگن شرط لردن بیرقسمی.

اما شوندی بولگن حالده هم طالبان بیلن مذاکره قیلیش باره سیده اوشبو گروه گه دفتر اچیلیشی اوچون سعی حرکت لر قییرگه ایتیشگنی بیللی ایمس.

ایندی لیکده افغانستان جمهورریسی حامدکرزی یقین آره ده قطرگه سفر قیلیب عینی موضوع نی قطر رسمیلری بیلن اورته گه قوییشی ممکن لیگی ایتیله دی.

افغانستان تشقی ایشلر وزیرلیگی سوزچیسی جانان موسی زی، کرزی جنابلری نینگ کوتیله یاتگن سفری توغریسده شوندی فکر بیلدیردی:"جمهوررییس کرزی قطر امیری نینگ رسمی دعوت اساسیده اوشبو مملکت گه سفر قیلماقچی،کوتیله یاتگن سفر جریانیده ایککی اولکه اره سیده گی مهم علاقه لر خصوصیده بحث الیب باریله دی. افغانستان دولتی نینگ قطرده طالبان اوچون دفتر ایجاد ایتیلیشی باره سیده گی اورنی اوزگرمه گن.بوندن اساسی مقصد هم طالبان بیلن یوزمه علاقه قوریش ومذاکره آلیب باریش اوچون قولی لیک یره تیش."

افغانستان ریاست جمهورلیک سرای، بی بی سی گه بیرگن معلوماتیده کرزی نینگ قطرگه سفر قیلیشی اوچون تیارگرلیک لر کوریله یاگنینی اورغولب، اما کوتیله یاتگن سفر ده طالبان وکیللری بیلن هم اوچره شیش و اوچره شمسلیگی معلوم ایمس لیگینی ایتگن.

سونگی بیرییل ایچیده طالبان گروهی بیلن مذاکره آلیب باریش اوچون سعی حرکت لر کوچیتیریلگن.

هم افغانستان حکومتی وهم غرب دولتلری افغانستان قینچلیگینی صلح آرقه لی حل ایتیلیشی کیره ک دیگن خلاصه گه ایریشگن. شوباعث طالبان بیلن مذاکره قیلیش اوچون اوشبو گروه گه مخصوص دفترقطرده آچیلیشیگه افغان حکومتی راضی لیک بیلدیردی.

شونگه علاوه حکومت، صلح برنامه لری افغانلر تمانیدن رهبرلیک بولیشینی تاکیدلب کیلماقده لیکن طالبان حاضرگه قدرهم افغانستان حکومتی بیلن صلح قیلیشگه رغبت کورستمه گن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.