فارياب ده گي ميوه لي درخت لرنينگ 90فاييزي ني ساووق اورگن

فاریاب ولایتیده میوه لی درخت لرنینگ ساووق اورگنی باغدارلیک بیلن شغله نیب کیله یاتگن شخص لرنینگ تشویشیگه سبب بولگن.

يقينده فارياب ولايتي نينگ اكثرحدودلريده هوا ساووقليگي نيچه درجه پسگه توشيب كيتگن ليگي سبب گلله گن درخت لرنينگ گللريني ساووق اوريب حاصل دن قوييشي ايسه بوشغل محصولات آرقه لي كون كيچيره ياتگن لرني روزگارلريني قنده ي اوتكزيش تشويشي باسماقده. بوحقده باغدارلردن بيري.

"مينينگ تورلي خيل ميوه لي درخت لريم بارايدي گل قيلگن ايدي، هوا نهايت ساووق بوليب قالدي بيرياقدن،ساووق اوريب كيتدي، ايندي حاصل آله آلمه يمن هرييلي حاصلي بولگنده بادام، شفتالو وزردآلو محصولات لري ني بيرياقيني ييسك و بير ياقيني هم ساتر ديك وروزگارخرجتيني بوبيلن تامين قيلرديك بوندن محروم بولديك دييدي او

فارياب اهالي سي نينگ كته قسمي ازواق عصرلردن بيري دهقان چيليك، مالدارليك وباغدارليك ايشلري بيلن بند بوليب كيلماقده لراما طبيعي آفت لرتيز- تيز يوزبيريب بوساحه لرگه خساره ييتكزيب ييترليچه محصولات آله آلمسليك لري سبب كوپچيليك عايله لرني قيين احوالگه ساله دي.

شونينگ ديك باغدارلرگه كوره هرييلي باغ محصولاتيدن قولگه كيلتيرگن درآمد آرقه لي روزگارلريني تيبره ترديلر،امايوزبيرگن طبيعي آفت سبب اوز باغ لري نينگ محصولاتيدن درآمد قولگه كيلتيريشدن اميدلريني اوزگن لر.

اولر درآمدتاپيب روزگارخرجتيني تاپيش اوچون بيرياققه كيتيشگه مجبوربوليش لري ني معلوم قيلماقده لر.

بيرنيچه تورميوه لي درخت لريوزبيرگن ساووق دن خساره كورمه گن بلكي دهقانچيليك كه عايدبولگن سپيليب كوكرگن بوغداي لرگه نقصان ييتيشتيرگن

باغلرده گي ميوه لي درخت لرگه بيرساووق ضرري ييتكزيشي ايمس بلكي گاهده باشقه بير قطارطبيعي آفت لر سبب هرييلي دهقان ، باغدار ومالدارقتلمي گه جدي خساره ييتكزيب قيغولنتيره دي .

بير فارياب باغدارلري نينگ باغلري خساره كورگن ليگي ايمس، بلكه سرپل وجوزجان ولايت لريده گي تورلي خيل ميوه حاصل بيره ديگن درخت لرني هم ساووق اوريب حاصلدن قويگن.

فارياب ولايتي نينگ ايكين چيليك وچاروا چيليك اداره سي نينگ باشليغي اسدالله بهار بيرنيچه تورميوه لي درخت لرني ساووق اوريب گللري توكيليب توشگن ليگي ني معلوم قيله دي.

عين حالده بهارجنابلري خساره كورگن ميوه لي درخت لر عايله لرني قيغولنتيريب قولگه كيلتيرديگن درآمددن محروم قيلگن بولسه هم ليكن مملكت نينگ ملي اقتصاد سطحيده ضربه ييتكزمسليگي ني ايتيب اونچه ليك تشويش لي ايمس ديب معلوم قيله دي.