کابل بیلیم یوریتیده گی دیجیتل مرکزیده، کمیده 85 مینگ حجت دیجیتل قیلینگن

اوشبو بنا شو یقین کونلرده کتابدن باشلب اوتیز ییل ایچیده افغانستان ایچکریسیده چاپ اییتیلگن کمیده 85 مینگ روز نامه، گزیته و چاپ ایتیلگن نسخه و شرطنامه نی سقلش اوچون قوریلگن.

اوشبو حجتلر نی امریکالیک افغانستان شناس نانسی دوپری ییغیشتیریب، رویخط نی تیارلب، 2500 دن آرتیغی دیجیتل قیلگن.

کورینیشیچه، اوشبو مرکز نینگ قالگن حجتلری هم امریکالیک ازیزونا بیلیم یورتی نینک یاردمی بیلن برچه آدملر انترنت آرقه لی مذکور حجتلرنی کوریب چیقیشی اوچون توزیلیشی ممکن.

حاضر اوشبو مرکز نینگ اجرایوی اداره سی ریسی عبدالواحید وفا مرکز نینگ ملت سازلیک مقصدیده قوریلگنی نی ایته دی:"بو ییرگه افغانستان باره سیده بیش اون ییلیک تدقیات اوتکزووچی شخصلر مراجعت ایته دیلر. بیز تورلی پیت ده گی کونده لیک و گزیته لرینی جمعله گن میز. شونینگ دیک، افغانستان نینگ زراعتی و ترفیاتی گه عاید قرارداد شرطنامه لر، خلق ارا تشکیلاتلر تمانیدن تیارلنگن ملی و خلق ارا معاهده لر و راپورلر بوییرده موجود. تاریخی حجتلر هم بار. اولر امان الله خان دوریدن قالگن."

اوشبو مرکز ده طلبه لر اوچون مطالعه، کمپیوتر و انترنت اتاقلری هم قوریلگن. مذکور اتاقلر مسوولری نینگ ایتشیچه، هر کونی 3 یوز ی گه یقین طلبه مطالعه اوچون اوشبو اتاققه مراجعت ایته دیلر.

یاشلردن بیری بوحقده بونده ی دییدی:"مین امریکا و پاکستان ارا سیاسی، اقتصادی وحربی مناسبتلر حقیده مونوگراف تیارله ماقده من. شو سبب دن بو ییر گه کیلیب، موجود حجتلر و کتابلردن فایده لنماقده من. "

اوشبو مرکزده کنفرانس و انجمنلرنی برپا ایتیش اوچون کته صالون قوریلگن.

مین دیجیتل توزه تیش بولیمی گه کیره من و بو ییرده کمیده اونلب آدم رویخط نی یازیش و حجتلرنی اسکن قیلیش ایشلری بیلن بند.

مذکور مرکز خارجی لر نینگ یاردمی بیلن قوریلیب، سواد اورگه تیش و اهالی حیاتی گه باغلیق مهم مسله لر چاپ ایتیلیب، افغانستان نینگ ولایتلریگه هم یوباریله دی.

شبهه سیز اوشبو حجتلرنی ییغیشتیریش ساده ایش بولمه گن، اما افغانستان نی اوز یورتی دیک سیوه دیگن امریکالیک افغانستان شناس نانسی دوپری، اوشبو ایش نی اوزی بجرگن.

اوشبو بنا نینگ بیر چیککه سیده کیچیک بیر اتاق خانم دوپری اوچون اجره تیلگن و او اوزی هم کمپیوتری آرتیده اوتیریب، ایش گه مشغول.

اوبیلن گپله شگنیمده، او، بیز آز حجت نی ییغیشتیریش بیلن باشله دیک، اما حاضر 80 مینگ حجت موجود دیدی. و هر کونی حجتلر سانی آشماقده. بیر تعداد شخصلر مینی یاردم قیلگنلر دییدی:"بیز جوده هم آز مقدار دن باشله دیک، اما حاضر 85 مینگ حجت بو ییرده موجود. حجت لر جوده هم کوپ و بولرنینگ سانی کوندن کونگه آشه دی. قطار آدم لر بوحقده مینگه یاردم قیلیب، موافقلشگنلر. افغانستان دولتی مینگه بودجه و کابل بیلیم یورتی ایسه مرکز قوریش اوچون ییر بیردی دیدی او."

اونگه کوره، بیر قطار شخصلر مکتب و ساغلیق مرکزلر قوره دیلر، اما اونی اسره ش ده اعتبار قره تمه یدیلر.

نانسی دوپری میلادی 1950 ییلده تورموش اورتاغی لویی دوپری بیلن افغانستانده حیات کیچیرگن. افغانستان ده کمونستلرگه طرفدار ریم پیتیده، پاکستان گه باردی، طالبان حاکمیتی قوله گنی دن سونگ، قیته دن ببر مقدار کتبا و گزیته لربیلن افغانستان گه کیلدی.

بیرقطار افغان تدقیقاتچیلری، اوندن آلدین هیچ بیر شخص بونده ی ابتکار نی عملگه آشیرمه گن و حجتلرنی دیجیتل قیلیش، اولرنینگ ایش فعالیتلریگه کمک قیلیشی نی ایتگنلر.