افغانستان ایچکی ایشلروزیرلیگی نینگ مخدرماده لرمعاونی: اوتگن ییل 3 مینگ قاچاقچی قولگه آلینگن

افغانستان ایچکی ایشلر وزیرلیگی رسمیلری، اوتگن ییل اوچ مینگ مخدرماده قاچاقچیسی قولگه آلینیب، اولردن بیرته سی نینگ آلدی دن مخدرماده قولگه توشیریلگنی نی ایتگنلر.

اوشبو وزیرلیک رسمیلری گه کوره، کوپچیلیگی کته قاچاقچی دن عبارت بولگن قولگه آلینگن شخصلردن اونته سی، دولت خادملری بولگن.

ایچکی ایشلروزیرلیگی نینگ مخدرماده لرگه قرشی کوره ش اورین باسری، اوشبو ساحه ده دنیا جماعه چیلیگی نینگ همکارلیگی کمه ی یاتگنی دن خواطر بیلدیریب، بومسله 2014 ییلدن کیین اولرنینگ فعالیتیگه تاثیر قوییشی نی ممکنلیگی نی معلوم قیلگن.

افغانستان ایچکی ایشلروزیرلیگی نینگ مخدرماده لرگه قرشی کوره ش معاونی لوی پاسوال محمد احمدی، 1390 ییلگه نسبتآ اوتگن ییلده، اوشبو وزیرلیک مخدرماده لرگه قرشی کوره ش ساحه سیده کته یوتوقلرگه ایریشگنی نی ایتماقده.

اوتگن ییل، مخدرماده لرنی قولگه توشیریش میزانی 92 فایز و قاچاقچیلرنی اوشلش ده ایسه 111 فایز کوپه ییش عملگه آشیریلگن دییدی احمدی جنابلری:"1391 ییلده مملکت بویلب کمیده 3280 عملیات اوتکزیلگن. جاری ییلده 462 تون تریاک، چرس و گیره یین قولگه توشیریلیب، 1390 ییلده عملگه آشیریلگن عملیاتلر نتیجه سیده 3026 مینگ قاچاقچی قولگه آلینگن."

اونگه کوره، قولگه آلینگنلردن اونته سی دولت خادمی بولیب، 19 نفری ایسه ایران، پاکستان، تورکمنستان و بیریتانیا فقرالری.

ایچکی ایشلروزیرلیگی نینگ مخدرماده لرگه قرشی کوره ش معاونی، افغانستانده مخدرماده لرنی ایکیش، ایشلب چیقه ریش و قاچاق قیلیش ، تیروزیزم گه توغری دن توغری تیگیشلی بولیب، بو خصوصده دنیا هم جمعیتی نینگ یاردمی کمه ی یاتگنی دن تشویش ده میز دییدی:"افسوس که شو کیچه کونلرده دنیا همجمعیتی نینگ مخدرماده لرگه قرشی کوره ش ساحه سیده کورسته دیگن یاردملری میزانی کمه ی یاتگنی گه گواه بولماقده میز. اوشبو حمایتلرنینگ 2014 ییلدن سونگ، کمه ییب کیتیشی احتمالی موجود. بوندن کیین افغانستان نینگ باشقه خوفسیزلیک اداره لری مخدرماده لرنی یوق ایتیش عملیات لریده قتنشمسلیکلری ممکن. چون اولر اوزلریگه خاص ساحه لرده فعالیت آلیب باره دیلر."

احمدی، اولر اوز کوره ش وفعالیتلرینی مستقل روشده عملگه آشیریش گه احتیاجی بار، و تاثیرلی عملیاتلرنی یولگه قویش اوچون کته امکانیت و طرفیت یوکسلیشی جوده ضرور دییدی او.

افغانستان حاضر هم دنیا مقیاسیده مخدر ماده ایشلب چیقه رووچی اینگ کته مملکت حسابلنه دی. ایچکی ایشلروزیرلیگی نینگ بیرگن معلوماتی گه کوره، مملکت ده ایشلب چیقیله یاتگن مخدرماده لرنینگ 90 فایزی نا تینچ شرقی تورت ولایتدن قولگه کیله دی.