بیرییل ایجیده مالیه یغیش میزانی 14 فایزگه آشگن

افغانستان مالیه وزیرلیگی، اوتگن ییل ایچیده اهالی دن ایکی میلیارد دالر مالیه ییغیشتیریلیب، دولت خزینه سیگه تاپشییریلگنینی ایتگن.

اوشبو وزیرلیک رسمیلری، اوتگن ییل گه نسبتآ، مالیه میزانی 14 فایزگه آشگنی نی معلوم قیلگنلر.

اولر، مالیه میزانی آشگنی گه، اداره لر ارا موافقلشیش، ظرفیتلر یوکسلگنی و اهالی نینگ توشونیشلری یوقاری کیتگنی نی سبب قیلیب کورستگنلر.

مالیه وزیرلیگی نینگ درآمدلر عمومی اداره سی رییسی عبدالرحمن مجاهد نینگ بی بی سیگه ایتیشچه، اوتگن ییل اوشبو اداره ایکی میلیارد دالر مالیه ییغیشتیرگن واوشبو رقم اوتگن ییل گه نسبتآ، 14 فایز آشگنینی کورسته دییدی. اونگه کوره ایکی میلیارد دالر گه تینگ یوز میلیارد افغانی فقطگینه شو ییل نینگ اوزیده اهالی دن ییغیشتیریب دولت خزینه سیگه تاپشیریلگن:" بیزنینگ جمعی درآمدیمیز 14 فایز گه آشگن. اوتیش دور دولتی وقتیده، دولت نینگ مجموعی درآمدی 15 میلیارد افغانی ایدی، اوشبو درآمد حاضرگه کیلیب، 20 میلیارد افغانی گه ییتگن."

مجاهد جنابلری، مملکت نینگ هر بیر فقراسی ، همده برچه اداره لر دن قانون اساسیده سالیق آلینه دی. دییدی.

اونگه کوره، سالیق میزانی نینگ آشیشیگه، درآمدلر اوچون اساسی سیستم ایجاد ایتیلگنی، کته _ کیچیک مالیه بیرووچی لر اوچون علحیده اداره لرتشکیل ایتیلگنی، اساسی سبب بولگن.

مجاهد ، مذکور اداره ، سالیق نی ییغیش توغریسیده گی 80 فایز معمالر برطرف ایتلگن دییدی.

اقتصاد بویچه تحلیل چی محمد صابر ایزدیار، دولت، مملکت نینگ ایچکی مالیه سی نی اساسی روشده ییغیشتیرگن حالده، افغانستان خارج مملکت لری نینگ یاردمی گه محتاج بولیب قالمسلیگی نی تاکیدله یدی.

اونگه کوره، افغانستانده حاضر گی کونده مالیه بیریش عادتی روجلنمه ی ، اهالی دولت گه تکس تولش نی، زوردن آلیگنلیگی نی توشینه دیلر.

باشقه تماندن بیر قطار اقتصادی تحلیلچیلر، قولگه کیریتیلگن اوشبو میزانی نی خوش قرشی لب، اونی افغانستان نینگ کیله جگی اوچون کته اهمیت دیه بهاله ماقده لر. اما اولر، افغانستان ده بیر قطار اداره لر اوز خادملری دن آیلیک سالیقلرینی آلالمه ی، جاری قانون دن باش تارته یاتگنلیکلرینی تنقید قیلماقده لر.

ایزدیار جنابلری دن باشقه بیرقطار تحلیلچیلرهم، افغانستان ایچکی مالیه سالیغلرینی بودجه لشتیرگن حالده، تشقی مملکتلرنینگ یاردمی گه ته ینیب، قالمسملیگی نی ایتماقده لر. اولر، دولت اهالی نی سالیق تولشگه ترغیبلب، اونینگ یانیده اهالی حیاتی یخشی لنیشی اوچون، رواجلنتیریش لایحه لرنی یولگه قوییشی کیره کلیگی نی تاکیدله ماقده لر.