سلما توغانینی پارتله تیش اوچون پلان لشتریلگن پارتلاوچی ماده کشف ایتیلگن

هرات رسمیلری ملی خوف سیزلیک کوچلری تمانیدن عملگه آشریلگن عملیات جریانیده 1300 کیلوگرام پارتلاوچی ماده سلما توغانی یقنیدن کشف ایتیلگنینی معلوم قیلگن.

بوقدر پارتلاوچی ماده معلومات لرگه کوره، سلما توغانی یقینیده جایلشگن پشتون زرغون تومنی نینگ ده کشک منطقه سیدن کشف ایتیلگن.

شونینگ دیک هرات ولایتی نینگ ولایت مقاملری بیر خبرنامه ترقه تیب، مذکور پارتلاوچی ماده نی اوته خطرلی و قوله نیلمه گن بیر پارتلاوچی ماده اتب افغانستان چیگره لریدن تشقری کیلتریلگنی ممکن لیگینی اورغوله گن.

عینی حالده بیاناتده سلما توغانی نی پارتله تیش اوچون بو ماده دن قوله نیلیشی مقصد قیلینگنلیگی ممکن لیگینی ادعا قیلگن.

شونگه علاوه، هرات رسمیلری قولگه کیرتیلگن پارتلاوچی ماده اوستیدن تحقیقات ایشی باشلنگنیدن خبربیریب، بوباره ده کینچه لیک تولیق معلومات بیریلیشنی ایتگن، همده رسمیلر سلما توغانی ایشگه توسیق یره تیش اوچون هرقندی منفی فعالیت لرنی الدینی الیشگه جدی سعی قیلیشلرینی اورغولب، مذکور توغاننی ایشی سونگی آلتی ای جریانیده موفقیت لی بیلن ایلگری کیته یاتگنینی تیلگه آلگن.