دولت، کابل نینگ اطراف منطقه لریده حربی عملیات اوتکزماقده

کابلده خوفسیزلیک رسمیلری بوگون بیر مطبوعات انجمنیده، اوتگن ییل آلیب باریلگن عملیاتلرنی قنچه لیک نتیجه لی بولگنینی کوریب چیقدی.

اوشبو ییغینده جاری ییل جریانیده طالبان عصیانچیلری نینگ فعالیت لریدن کوپ قسمی پایتخت کابلگه قره تیلیشی ممکنلیگی باره سیده بحث الیب باریلدی.

اولرگه کوره، طالبان عصیانچیلیک فعالیت لریدن سکسن بیش فایزی کابلگه قره تیلگن. امنیتی مقاملر ایسه طالبان نینگ جاری ییلده پلانلشتریلگن هجوملرینی آلدینی آلیش اوچون کابل اطرفیده خوفسیزلیک پوسته لرینی کوپیتریشینی ایتدیلر.

شونینگ دیک عقاب عملیاتی ینگی ییلدن باشلب افغانستان بویلب اینقسه، کابل اطرافی قوشیمچه قوشنی ولایت لرده باشله تیلگن، لیکن عملیات لر نتیجه سی حاضرگه چه معلوم ایمس، اما خوفسیزلیک مقاملر جاری ییلده گی عملیات لرنی افغان کوچلری تمانیدن باشقریلیشینی اورغولب، بو گل عملیات لر موفقیت لی بولیشیگه ایشانچ بیلدیرماقده.

اوتگن ییل طالبان عصیانچیلری پایتخت کابل قوشیمچه کوپراق دولت اداره لرینی گروهی شکلده نشانگه آلگن ایدیلر. شونینگ دیک بعضی بیر چیککه حدودلرده هم یوزمه یوز افغان کوچلری بیلن توقنه شیب، ایریم منطقه لرنی هم اوزنظارتیگه آلگنلر. کابلده یولگه قوییلگن خوفسیزلیک یغینده، طالبان عصیانچیلری اوز تکتیک لرینی اوزگرتیرگنلیک لری اورغولنگن.

مرکز قول اردوسی نینگ قوماندانی قدم شاه شهیم، طالبان اوز تکتیکلرینی قنده ی اوزگرتیرگنلیکلری حقیده بونده ی جواب قیتیردی:"جاری ییلده قوراللی مخالف گروه لرنینگ اساسی مقصد لریدن بیری ترغیبات و تبلیغات دن عبارت. شو اوچون کابل گه هجوم اویوشتیریش نی بیرینیچی مقصد قیلیب آلگنلر. باشقه تماندن طالبان، حربی مرکزلرگه کوپراق هجوم اویشتررایدی، لیکن بیزنینگ معلوماتلریمیزگه کوره، بوییل اولر، عادی اهالی وانسان لردن گاوجوم بولگن منطقه لرنی نشانگه آلیشی ممکن. اولرنینگ بو تکتیک لریگه موفق بولمه یشینی امید قیله میز. بیز هم بو تکتیکلرگه قره ب چاره تدبیر کورماقده میز."

حاضرگه قدر، طالبان گه قرشی یولگه قویلگن عملیات لرگه اهالی جدی قرشی لیک بیلدیرمه گن. حتی که بعضی بیر منطقه لرده تینچ اهالی طالبان تهدیدلری باعث اوزلری قورالنیب، اوشبو گروه قرشی عصیان کوترگنلر. اوشبو عصیانلر، غزنی، قندهار و هلمند ولایتلریده اوتکزیلگگن. شونینگ دیک شمالی حدودلرده هم کوپچیلیک طالبان گه قرشی عملیات یولگه قوییلیشینی نیچه بار دولت دن طلب قیلگنی هم خبرقیلینگن.