"هلی هم هربیرآیده کمیده ییگرمه انسان ماین قربانی بولماقده"

ماین تازه لش خصوصیده فعالیت الیب باره یاتگن تشکیلات لر هرییلی ماین تازه لش دستوریگه یوزملیون امریکا لیک دالر یاردم بولسه، کیله جک بیش ییلده افغانستان نینگ برچه منطقه لری ماین دن تازه له نیشیگه امید بیلدیرگن.

افغانستان ماین تازه لش موسسه سی نینگ اجرای مسوولی محمد شهاب حکیمی خلق ارا ماین تازه لش کونی مناسبتی بیلن اوتکزیلگن یغینده افغانستان نینگ یتمیش بیش فایز توپراغی ماین دن تازه لنگنینی ایتگن.

اما شوندی بولیشگه قره مسدن حاضرگه قدرهم هربیر ایده قریب اوتیز کیشی ماین قربانی بولیب کیله یاتگتی ایتیله دی محمد شهاب حکیمی بوباره ده شوندی دیدی:"قریب بیریریم بیلیون حدود ماین دن تازه لنگن؛ حاضرگی کونده قریب ییگرمه و اوتیز کیشی ماین پارتلش قربنی بوله دی 2000میلادی ییلده هربیر ایده قریب ایکی مینگ انسان ماین قربانی بولرایدی."

افغانستان دولتی، مایندن قولنمسلیک و اورنه تیلگن ماینلرنی تازلش اوچون اوتا ناملی پیماننی امضاله گن. بو پیماننی امضاله گن هربیر مملکت اون ییلده اولکه نینگ ماینلردن تازه له شگه مسوول، لیکن افغانستان دولتی ریجه لنگن وقتده اولکه نینگ بوتونلی ماینلردن تازه لشگه قادر بولمه گن. شو اوچون ماین تازلش دستوری ینه اون ییل دوام تارتیشیگه قرار قبول قیلینگن.

بیرلشگن ملتلر تشکیلاتی نینگ ماین تازه لش دستوری نینگ هماهنگ لشتروچی مسولی خانم ابیگل هارتلی ماین تازه لش دستورلری اولکن موفقت لیک لرگه ایرشگنینی ایتیب بوحقده شوندی دیدی:"1989 نچی ییل ماین تازه لش دستوری افغانستانده باشلندی 21 مینگ حدود ماین دن تازه لندی نتیجه ده ایکی مینگ و ایککی یوز قیشلاق بیر یوزو ایگرمه اوج تومن بوتونلی ماین دن تازه لندی 4900 حدود ده حاضر هم ماین موجود، تازه لنگن 21 مینگ حدود بیلن سالشترگنده بو کتته موفقیت افغانستان بوتونلی ماین دن تازه له نیشگه یقین لشماقده."

شونینگ دیک او، هرییلی یوز ملیون دالر ماین تازه لش دستوریگه یاردم بولسه کیله جک بیش ییلده افغانستان نینگ برچه حدودلری ماین دن تازه له نیشگه امید بیلدیردی.

افغانستان 1989 ییلده ماین تازه لش برنامه سینی باشله گن، بیش ملی و ایکی خلق ارا تشکیلات 12 مینگ افغان ایشچی بیلن فعالیت آلیب بارماقده، اما شوندی بولسه هم افغانستان بوتونلی ماین دن تازه لنمه گن، هلی هم کوپلب انسانلر ماین قربانی بولیب کیلماقده لر.