ناتو نینگ هوای هجومیده تورت محلی پلیس هلاک بولگن

غزنی ولایتی نینگ ده یک تومنیده ناتو کوچلری تمانیدن یولگه قوییلگن هوای هجومده تورت محلی پلیس هلاک و ایککی پلیس هم یره لنگنی ایتیلگن.

محلی رسمیلریگه کوره ،منطقه ده فعال بولگن عصیانچیلرنی یوق ایتیش اوچون یولگه قوییلگن قوشمه عملیات جریانیده بوحادثه یوزبیرگن.

عزنی ولایت حاکمی اورین باسری محمد علی احمدی بی بی سی بیلن بولگن صحبتیده عملیات اویشتیریلگن منطقه ده محلی پلیس کوچلری باره یاتگن بیر پیت ناتو کوچلری تمانیدن بیلمسدن نشانگه آلینگنینی تاکیدله گن.

خلق ارا کوچلرهم مذکورحادثه یوزبیرگنینی تصدیق لب اما، آرتیق معلومات بیرمه گن.

شونینگ دیک او ، یره لنگن ایکی پلیس وضعیتی یخشی بولگنینی ایتگن.

باشقه تماندن ولایت اورین باسری طالبان عصیانچیلری، محلی پلیس کوچلری صفیده نفوذ قیلگنینی ایتیب، مذکور پلیس کوچلری باره سیده شکایت لرهم کوپیگنینی اورغوله گن.