زابل ده یوزبیرگن انتحاری هجومده، بیش امریکالیک هلاک بولگن

امریکا تشقی ایشلر وزیری جان کیری اوتگن کون زابلده یوز بیرگن انتحاری هجومده، بیر دیپلمات شامل، بیش امریکالیک هلاک بولگنینی معلوم قیلگن.

امریکا تشقی ایشلر وزیریگه کوره، اولگن لردن بیری دیپلمات، بیرته سی هم مدافعه وزیرلیگی ایشچیسی و باشقه قالگن اوچ کیشی سی امریکالیک عسکر بولگن.

شونینگ دیک، بیر افغان شفاکاری هم مذکور هجومده قربان بولگنی ایتیله دی.

اوتگن کون انتحارچی بیرشخص، زابل مرکزی قلات شهریده اوشبو ولایت حاکمی کروانی یقنیده اوزینی پارتله تیب یوباردی. نتیجه ده بیر افغان و بیش امریکا لیک حربی هلاک بولیب، ولایت حاکمی نینگ اوچ قوریقچیسی هم یره لندی، بیراق ولایت حاکمیگه هیچ قندی ضرر ییتمه گن.

یوز بیرگن انتحاری هجوم دن اساسی مقصد، ولایت حاکمی بولگنی ایتیلگن.

عین حالده، امریکا قوشمه ایالت لری نینگ تشقی ایشلر وزیری، هجومده اوشبو وزیرلیک نینگ ینه تورت ایشچیسی هم یره لنگنینی ایتگن.

کیری جنابلریگه کوره، امریکا مدافعه وزیری چک هیگل، حادثه بوییچه تولیق معلومات آلیش اوچون، امریکا نینگ افغانستانده گی ایلچیسی بیلن هم یقین دن گپلشگن