ناتو کوچلریگه هجوم قیلگن افغان پلیس خادمی قهرمانگه ایلندی

Image caption اکثریت محلی اهالی ثمرالدین نینگ قهرمان دیب تعریف لیدی.

2011 ییلده ایککی امریکه لیک عسکرنی اولدیرگن افغان پولیس خادمی اولیمی دن کیین قهرمانگه ایلندی. اونینگ عایله سی بی ـ بی سی مخبری فیروز رحیمی و یاهننسی دیلگه بو کوتیلمه گن هجوم آرتیدن قنده ی سببلر تورگنی نی اورگه نیش اوچون امکانیت یره تیب بیردی.

بوندن ایککی ییل اول 2011 ییل نینگ تورتینیچی اپریلیده ثمرالدین فاریاب ده ایککی امریکه لیک عسکرگه قره ته اوت آچه دی. ایککله امریکه لیک عسکر قربان بوله دی. ثمرالدین قاچیب قاله دی.

بو ناتو کوچلریگه قرشی افغان خوفسیزلیک عسکرلری تمانیدن 2007 ییلدن بیری اویوشتیریب کیلینه یاتگن اونلب هجوملردن بیری ایدی. انه شونده ی هجوملر عاقبتیده 100 دن آرتیق ناتو عسکرلری قربان بولدی. ثمرالدین نی اوچ کون کیین تاپیشدی. ناتو ملازملریگه کوره، "اونی توتیش اوچون عملیات جریانیده ثمرالدین قاچیشگه حرکت قیلدی و آتیب اولدیریلدی." ثمرالدین نینگ قربانلری 32 یاشده بولگن سیرجینت سکات بورگیس و 26 یاشر میکل لمیرتس لر ایدی. اولر افغانستانگه کیلیشکنی گه اتیگی ایککی آی بولگن و فاریابده چیگره قوشینلری ملازملری بیلن امریکه قوماندانلری نینگ اوچره شوویده خوفسیزلیک نی تامینله یاتگن بولیشگن.

عسکرلرنینگ همکسبلری اولرنی ایلیق تعریفلشگن، دایم یاردم گه تیار قورالداشلر اوله راق مقتشگن. هر ایککی قربان نینگ هم آرتیده تورموش اورتاغی و ایککیته دن فرزندی قالدی

Image caption محلی مسجدگه ثمرالدین نینگ نامی بیرلدی

ثمرالدین نینگ اینیسی اونینگ اولیمینی یخشی ایسله یدی.

آنگده چیگره پولیس خذمتی ده آتیشمه آوازلرینی ایشیته دی. "مین خواطرگه توشدیم و ثمر الدین گه تلفون قیلدیم"، دییدی او.

"او بیر مرته زنگ کیتگنی دن تیلفونگه جواب بیردی. میت اوندن ایککی امریکه لیک عسکر نی آتیب تشله شیبدی، بو حقده ایشیتدینگ می دیب سوره دیم. او میندن قه ییرده لیگیم نی سوره دی. تیز شهردن کیتگین، مین آتدیم اولرنی دیدی... مین دهستگه توشدیم. اونگه ایشانمسدیم"، دییدی ثمرالدین نینگ اینیسی.

اصلیده بو کبی هجوم اویوشتیرگنلر اوچون قاچیب قالیش انچه یین نا عادی حالت.

اما، ثمرالدین قاچدی و ینه او آته اوییگه کیلدی. اونینگ قرینداشی غلام بو خبرنی ایشیتب آق اویگه شاشه دی.

"ثمرالدین جوده هیجانده و گره نگ ایدی"، دییدی او.

"مین اونینگ آلدیگه کیلگنیمده او ییغله ی باشله دی. مین اونینگ پیشانه سیدن اوپدیم و ییغله مه دیدیم..."

زوره وانلیک

اوشه آتیشمه دن اولگی هفته افغانستان بویلب ناراضیلیک نمایشلر کیچگن و اکثریتده زوره وانلیک حالتلری روی بیرگندی.

همه سیگه امریکه ده گی کیچیک بیر چیرکاو اعضالری مقدس قربان نی یاقیشگنی سبب بولگندی.

غلام نینگ ایتگنلری ایسه، ثمرالدین نیمه بو هجومگه قول اورگنی نی آچیقله گنده ی...

"مین اونگه سین دینینگ اوچون بو ایش نی قیلدینگ، بوندن غرورلنیش کیره ک"، دیدیم.

"بیز همه میز غضبده ایدیک".

Image caption ثمرالدین 2011 ییل نینگ تورتینچی اپریل آیده آتیب اولدرگن امریکالیک عسکرلر

بو کبی قره شلر احتمال تشقریدن قره گنده دهشتناک کورینر، اما ثمرالدین نینگ اکثریت قرینداشلری، دوستلری و قوشنیلری اوچون بو غضب و نفرت بیگانه ایمس.

نمایشلر تاباره زوره وان توس آلدی، مزارشریفده گی بی می تی وکالت خانه سیگه هجوم قیلیندی و بیر نیچه خارجلیک اولدیریلدی.

ثمرالدین نینگ عایله سی گه کوره، او بو واقعه لرنی کونگلیگه جوده یقین آلگن. ثمر الدین ناراضیلیک نمایشلریده قتنه شه دی. مسجدگه باریب اینگ آلدینگی قطارده اوتیره دی. اونینگ اینیسی نورمحمد گه کوره، مسجد امامی ثمرالدین نی یخشی ایسله یدی. "ملا نینگ ایتیشیچه، قرآن یاقیلگنینی ایشیتب، بو اوزینی ییغیدن توخته آلمه گن"، دییدی نورمحمد.

"بو واقعه یکشنبه ده بولگن. دوشنبه کونی ایسه، ثمر الدین ایککی امریکه لیک نی آتیب اولدیردی. همه اونینگ اوز دینی و قربان اوچون شهید بولگنی نی بیله دی".

ثمرالدین کیچه سی قالگن، کوندوزی مسجد ده یشرین گن. او ییردن ثمر الدین بیر دوستیگه قونغیراق قیلیب، یشرینیش اوچون ینگی جای تاپیب بیریش نی سوره گن. ناتو کوچلری ثمر الدین نی اوشه ییرده تاپیشه دی.

قدم جایگه ایلنگن مزار

اکثریت محلی اهالی ثمرالدین نی قهرمان دیب تعریفله یدی. "مینگلب آدملر اونینگ دفن مراسیمیگه کیلیشدی"، دییدی ثمرالدین نینگ یقینلری.

"دریانینگ ساحلی آدملربیلن لیق توله ایدی"، دییدی ثمرالدین نینگ عمه کیسی.

ثمرالدین نینگ قبری زیارتگاه گه ایلندی. اونگه نسبتآ شعرلر و دینی دعالر قبر اطرافیگه تیریلدی.

قونی ـ قوشنیلرطلبی بیلن محلی مسجد گه اونینگ نامی بیریلدی. اما، بعضیلر افغانستان گه اتفاقچی سنلگن ایککی امریکه لیک عسکرنی اولدیریش بیلن کیمدیر قهرمان گه ایلنگنیدن خواطر ده...

عبدالمومین مکریت محلی اماملردن و اونینگ ایتیشیچه، ممکلتگه یاردم اوچون کیلگن عسکرلرنی اولدیریش نی دین آق له مه یدی. "اولر بیزگه خذمت قیلیش اوچون کیلیشگن... بیز اولردن منتدار بولیشیمیز کیره ک"، دییدی او.

"افغانلر مهمان دوستلیگی بیلن تنیلگن. بیز نیچه بیر گناه سیز مهمان نی آتیب اولدیرمسلیگیمیز کیره ک"، دییدی محلی ملالردن عبدالمومین مکریت.

"ایریملر ایسه بو کبی هجومچیلرنی "مجاهد" و یا "شهید" دیب اتشماقده. اکثریت بو سوزلرنینگ معناسی نی بیلمه یدی. اسلام بو کبی هجوملر گه یول بیرمه یدی".

مکریت جنابلریگه کوره، سوادسیزلیک و اعبتارسیزلیک اکثریت یاشلرتی تورفه گروه لرنینگ ایزمیگه توشیب قالیشیگه سبب بولماقده.

ثمرالدین نینگ آنه سی اوز اوغلی نینگ اولگن مسجد یولیده قربان بولگنی حقیده گپیرمه یدی.

19 یشر بولگن ثمرالدین نی پولیس گه کیریشیدن قیته ره من دیب جانی هلاک بولگنی نی ایته دی.

"مین اونگه اگر شو ایشگه کیرسنگ، پولیس اداره سی قرشی سیگه باریب اوزیم نی اولدیره من"، دیدیم. قولاق سالمه دی. 22 آی ایشله دی. قنچه عذاب چیکندیم اونی وایه گه ییتکزگونگه قدر... بهری بیر یوقاتدیم بالم نی ...."

عادی باله لیک

ثمرالدین نینگ اوییده اونینگ کته پارت ریتی آسیلگن. اوکه سی ثمرالدین نی قیرووچی اوچاق و قرآن کتابی آلدیده توشگنده ی منظره حاصل قیلاووچی سه مه صورتلرنی کورسته دی.

Image caption ثمرالدین قبری

"ثمرالدین برچه باله لر کبی فوتبال گه قیزیققن، مکتب دن قاچیب یورگن"، دییدی اونینگ قرینداشی غلام.

باشقه افغانلر کبی اوروشلردن عذاب چیککن، پاکستانگه مهاجرلیککه کیتگن و کیینراق آنه وطنی گه قیتگن بیر افغان تقدیری...

ایچکی هجوملرنینگ اکثریتیدن طالبلر عیبلنه دی. بعضیده محلی و خارجی کوچلر اورته سیده تارتیشوولر زوره وانلیککه ایلنه دی.

اما، ثمرالدین نینگ فاجعه سی چوقوراق بیر واقع لیککه اشاره ایته دی. امریکه لیک ژورنالیست اننه بیدخین ثمرالدین نینگ چیگره ده گی همکسبلری بیلن اوچره شگن.

"مین اونینگ رهبرلری بیلن کوریشدیم. جوده کوپ کوپ چای ایچدیک. سیگریت چیکدیک. بیله سیزمی، هلی هم پولیس ده ایشله ی دیگنلرنینگ ایریملری اونی قهرمان دیب تنیشه دی"، دییدی ژورنالیست.

"بو کبی قره شلر عصیانکار هجوملریدن کوره هم خطرناک دیر"، دییه قوشیمچه قیله دی او.