مدنیت وخبرلر وزیرلیگی :غزنیده گی اکثر تاریخی آبده لر قیته تیکلنگن

افغانستان حکومتی غزنی ولایتیده گی ایریم تاریخی بنالر قیته قوریلگنینی ایتیب باشقه قالگن بنالرنینگ قیته قوریش ایشی ایکی کون جریانیده نها یه تاپیشدن خبربیرگن. ایکی کوندن سونگ، غزنی ولایتی رسمی شکلده اسلامی اولکه لر مدنیت مرکزی دیه نامله نیشی کوتیله دی.

شونینگ دیک افغانستان مدنیت وخبرلر وزیرلیگی غزنی ولایتی نینگ تانشتیریش اوچون، 22 عنوان کتاب هم چاپ ایتلگنینی معلوم قیلگن.افغانستان مدنیت وخبرلر وزیرلیگی برچه بنالر، باستان شناسلر نظری آسیتیده قیته تعمیرلگنینی معلوم قیلگن.

مراکش نینگ تنجه ناملی شهریده آی سیسکو ناملی بیر موسسه فعالیت قیله دی. مذکور موسسه اصلیده سعودی عربستان لیک عبدالعزیز ناملی شخص تمانیدن رهبرلیک بولینه دی.

اوشبو موسسه هرییلی اسلامی مملکت لرجمله سیدن اوچ شهرنی تنلیدی.بیری شمالی افریقا بیته سی هم عرب مملکت لری وباشقه بیری جنوبی ومرکزی اسیادن.

جنوبی ومرکزی اسیا حصه سی بو ییل بیزگه یتیشگن.علم ،هنر و فرهنگ نقطه نظریدن کته اهمیت گه بولگن بیر شهر اسلامی پایتخت مرکزی دیه ناملنه دی. غزنی ولایتی ایسکی تاریخی بنالرگه ایگه بولگنی اوچون 2013 ییلده اسلامی اولکه لر مدنیت مرکزی دیه نامله نیشی قرار آلیندی. افغانستان حکومتی شونگه ماس قسما تخریب بولگن بعضی بیر بنالرنی تعمیر له نیشینی ایتگندی افغانستان مدنیت وخبرلر وزیری سید مخدوم رهین بوحقه شوندی دیدی:"بعضی بیر حکومتی مقاملر ایریم توشینماوچلیک لر باعث ، غزنی ولایتی نینگ، قیته تیکلش اوچون یوز ملیون دالر یا بوندن کوپراق یاردم بوله دی دیگن گپلرنی ایتگن..افغانستان حکومتی اوچ ییل آلدین غزنیده گی تاریخی ابده لرنی قیته تیکلش اوچون اون میلیون دالر اجره تگن..پولندلیک وامریکالیک لر جاده لرنی قیته قوریش اوچون ایریم سعی حرکت لرنی قیلگن.شونینگ دیک جرمنی نینگ آخ یونورسیته سی غزنی دیواللرینی قیته قوریش اچون بیریریم میلیون یورو بیلن ایشینی باشله گن."

غزنی دیواللری قوشیمچه بیرقنچه تاریخی بنالر قیته تیکلنگنی ایتیلماقده. شونینگ دیک افغانستان مدنیت وخبر لر وزیری سید مخدوم رهین باشقه تاریخی بنالر هم قیته قوریلیشی مهم لیگینی اورغولیدی. لیکن او، شو نیچه ییل جریانیده اکثر تاریخی بنالر قیته قوریلگنینگی تیلگه آله دی .