افغانستان، پاکستاننی آگاه لنتیردی

افغانستان مدافعه وزیرلیگی افغانستان توپراغیگه پاکستان تمانیدن قوریلگن دروازه نی بیکار ایتیشی اوچون هر قنده ی امکانیت لرگه ایگه ایکن لیگی نی بیان ایتگن.

شو نینگ دیک ناتو کوچلری هم بو مسئله توغری سیده تیکشیرو ایشلرینی باشله ب افغانستان همده پاکستان بیلن صحبت قیلیشی نی بیلدیرماقده.

افغانستان ملی کینگاشی ایسه، مذکور در وازه شرقی ننگرهار ولایتی نینگ گوشته تومنیده قوریلگنی نی بیان ایتگن.

پاکستان تمانیدن افغانستان توپراغی ایچیده و دیورند چیزیغیده چیگره دورازه قوریلیشی و اون بیر خوف سیزلیک پوسته لری نینگ ایجاد ایتیلیشی افغانستان نی غضبلنتیرگنیگه سبب بولگن.

افغانستان جمهورلیک ریاستی مملکت مدافعه و ایچکی ایشلر وزیرلیگیگه همده ملی خوف سیزلیک اداره سی گه بویروغ بیرگن تا پاکستان نینگ ایجاد ایتگن مذکور حربی بنالرینی اوزاقلشتیرسینلر.

افغانستان مدافعه وزیری نینگ سوزچیسی پاکستان نینگ مذکور حرکتی نی خلق ارا تعهد لریگه قرشی دیشیب، افغانستان مذکور دروازه نی اورته دن ایلتیشی توغری سیده هر قنده ی امکانیت لرگه ایگه ایکن لیگی نی بیلدیرگن.

" قوریلگن دروازه دیورند چیزغیدن افغانستان توپراغی گه تیگیشلی. بو دروازه دیورند دن افغانستان توپراغیگه کیریلگن. بو مسئله خلق ارا برچه کیلیشوو لرگه قرشی بیر عمل دیر. بوندن کیین ینه بیر قنچه حربی لر بو دروازه یقنیده جایلشتیریلگن. بو هم چیگره داش مملکت لرنینگ خلق ارا کیلیشوویده قرشی بیر عمل حسابلنه دی."

جنرال ظاهر شونگه قوشیمچه قیلیب، مذکور دروازه قرشی سیده افغانستان کوچلری کوچلی بیر پوسته نی ایجاد ایتگنی نی ایتیب، و منطقه بوتونلی افغانستان کوچلری نینگ نظارتی آستیده ایکن لیگی نی هم بیلدیردی.

افغانستان ملی خوف سیزلیک کینگاشی گه کوره، پاکستان مذکور دروازه نی قریب اوچ هفته آلدین افغانستان توپراغیگه قورگن.

شونده ی بیر حالده آیساف کوچلری مذکور مسئله نی تیکشیریشی دن خبر بیریب بو توغریده زودلیکگه قضاوت قیلیشمسلیگی نی بیلدیرگن.

" بیز بو مسئله نی تیکشیرماقده میز و هر ایککله مملکت بیلن صحبت قیلماقده میز. بیز افغانستان ملی خوف سیزلیک کینگاشی نینگ جلسه سی نی هم تیکشیریب آله میز. بوگون بو توغری ده فکر بیلدیریش هنوز ایرته. بیز حقیقت نیمه ایکن لیگی توغری سیده سعی قیله میز."

طالبان نینگ سونگی هجومیده اون اوچ ملی اردو عسکری هلاک بولگنینی افغانستان مدافعه وزیرلیگی دیورند چیزغیده عملگه آشیریلگنی نی ایتیب، بو مسئله گه منطقه ده گی استخبارات قولی بارلیگی نی هم اورغوله دی. جنرال عظیمی گه کوره، مذکور هجومده آغیرقوراللردن هم فایده لنگن و طالبان بونقه قوراللری یوق.

افغانستان و پاکستان آره سیده گی علاقه لر یمان بولیشی افغانستان مردمی نی هم تشویشگه سالگن خبر لر هم بیر قنچه رسانه لردن ترقه تیلگن. شونده ی بیرحالده افغانستانده جایلشگن خلق ارا کوچلر نینگ سوزچیسی جنرال گونتر کتس، ایسه مذکور قیین چیلیک زودلیکگه حل بوله دیگن گپ ایمس ایکن لیگیگه تاکید له یدی.

" بیز چیگره منطقه لرنینگ خوف سیزلیگی نی اوته جدی آله میز. و بو مسئله جدی شکلده منطقه گه استراتیژیک تاثیر قویه دی. شو نینگ اوچون بیز بیله میز که افغانستان و پاکستان بو منطقه وضعیتی یخشی له یشی اوچون اوزون مدتلی شکلده بیر بیراوی بیلن مذاکره لرنی ایسته یدیلر. و بو مسئله ایرته گه حل بوله یاتگن بیر گپ ایمس."

افغانستان پاکستاننی نیچه ییل دن بیری تورلی موضوع لر توغری سیده عیب له ماقده. پاکستان تمانیدن افغانستان گه قرته اوق لر آتیلیشی، مذکور مملکت افغانستانده تینچلیک نی ایسته مس لیگی و صلح پروسه سیگه جدی شکلده یاردم بیرمس لیک کبی مسئله لر عیبلاو شکلده افغانستان تمانیدن یوریتیله دی. شونده ی بیرحالده پاکستان ایسه مذکور عیب لاولرنی رد ایتگن. شونده ی بیرحالده افغانستان حکومتی ایسه افغان کوچلری یخشی جهازلنگنی و عصیانچیلر بیلن قرشی کوره شیش اوچون امکانیت لر کوپ بولگنی دن هم سوز یوریتگن.