نادولت تشکیلات لرفاریابلیک لرگه تورلی کسب لرنی اورگتماقده

يقينده فارياب ولايتي ده قيته قوريش لايحه لريدن تشقري بير قنچه كسب وهنراورگه تيب كيله ياتگن اكتيدناملي دفترتمانيدن يوزدن آرتيق سوادسيزكيشي گه تورلي خيل شغللر اورگه تیلگن.

بوشغل ني بيتديرگن لرولايت مركزيدن تشقري بير قطار تومن لردن بوليب احتياج لریگه قره ب بوشغللردن اورگه تيلگنی معلوم قیلینه دی.

فارياب ولايتیده گي اكتيد دفتري نينگ مسوولي جاويداکبری گه كوره بوتشكيلات بيرنيچه باسقيچگه 500دن آرتيق كيشي ني تورلي كسب لرني اورگه تيب دایمی ایش بیلن تامین لشنی کوزله گن.

اوبورقمدن یرمی دن کوپراقی بوشغللرنی بیتدیریب چیققیب، دایمی ایش گه ایگه بولگن لرینی تیل گه آله دی.

"بوكورسلرده کسب اورگنه یاتگن شاگردلرایسه ياش لري يوقاري بولگن ليگي سبب تعليم دن محروم قالگن لرو ايش سيزكيشي لردن عبارت بولگن. بوکورسلرنی اورگه تيش اوچون جذب ایتیله یاتگن لر تورلي كسب لرنی اورگه نیش لری اوچون رويخطدن اوته دیلر.

اورگه نيب چيققن دن كيين اوچ – اوچ كيشي بولیب بيرگه دكان آچه ديلر، ايشلري نظرده توتيليب اولرگه كيره ك بولگن امكانیت لرهم يره تيله دي، بوبيلن هم اوزلري حلال درآمدتاپه ديلروهم خلق لري خذمتي گه بوله ديلر" دييدي او

نسيمه خانم فارياب ولايتيده گی نادولت تشكيلات لردن بيريده تيكووچيليك كسبي ني اورگنگن عياللردن بيري.

او بوندن آلدين بو كسب ني بيلمسدي، هلي تيكووچيليك كسبيني اورگه نيب بوشغل آرقه لي درآمد قولگه كيلتيريب روزگارلريگه ياردم بيره ياتگني شونده ی حکایه قیله دی.

" اوی نینگ ایچیده قمه لیب ایش وکوچسیزاولتیرگن ایدیم، دفترلردن بیری عیاللرگه بعضی کسب لرنی اورگته دی دیگن گپ نی ایشیتدیم، اکتید تشکیلاتیده 10آی تیکووچیلیک کورسی نی آلدیم، اورگه نیب چیقدیم هلی خاتین – قیزلرکییم – کیچک لرینی تیکدیریش اوچون مینگه آلیب کیله دیلر، بونینگ درآمدی بیلن باله چققم احتیاجی لرینی تامین لب وروزگارگه هم یاردم بیره من، جوده خوش من ایش بولیب تورسه آدم چرچه گننی هم بیلمس ایکن" دییدی تیکووچی عیال

بيرنسيمه خانم ايمس بوشغل ني اورگه نیشی عایله وی حياتي نی اوزگرتیرگن بولسه، بلكه سونگی بیرنیچه ییلده بوولایتده يوزلب عيال تورلي كسب لرني بيرقطار تشكيلات لرتمانيدن يره تيلگن امكانيت لرسبب اورگه نيب چيققن لر.

میمنه لیک احمد فريد فلزكارليك ايشي بيلن بند. اوبوشغل ني بوندن آلدین نادولت تشكيلات لردن بيريده اورگنگن ليگي ني ايته دي. احمدفرید ايندي اوزی دكان آچيب بوشغل آرقه لی درآمدتاپه دیگن لردن بولگن.

بوكسب لرني اورگه نيب چيققن لرشونده ي امكانيت لرباشقه ايش سيزياشلرگه هم ایش امکانیت لری يره تيليشي نی طلب قيله ديلر.

نادولت تشكيلات لرتمانيدن كسب اورگه تيش اوچون يره تيلگن امكانيت لربيرآدم لرنينگ روزگاريگه ياردم بيريشي ايمس بلكه قول خرجي دن قينه ليب كيله ياتگن ياشلرني قيين چيليك لريني حل ايتگن.

کوپلب کمبغل عایله لراوچون بوکبی شغللرنی اورگه نیب درآمد تاپیش نهایت مهم مساله دیب ایتیله دی. اما بیرقنچه شغل ایگه لری تمانیدن بوکسب لریوریمسلیک هم شکایت قیلینه دی.

تشکیلاتلرتمانیدن آچیلگن کورسلرده پزنده چیلیک که عاید کلچه وباشقه بیرقطارپشیریلگن آوقت تیارلش کسبی نی اورگه نیب چیققن بیرقطارعیاللر اورگنگن ایشلری کیلجکده یورییرویوریمسلیگی باره سیده تشویشده ایکن لیکلری نی بیلدیرماقده لر.

هرچند اوتگن بیرنیچه ییلده مینگلب عایله لر دولت ونادولت تشکیلات لریاردمی بیلن کسب وایشگه ایگه بولگن لریگه گواه بولیب کیلماقده میز، عملگه آشیریلگن بوایشلر ایسه اهالی تمانیدن خوش قرشیلنماقده، اما شونگه قره مسدن ایش سیزلیک موضوعی حاضرگی کونده هم جمعیت نینگ کته قسمی گه اساسی معما حسابلنه دی، انه شو سبب کوپلب اهالی دولت تمانیدن دایمی ایش اورین لری یره تیلیشی طلب قیلینیب و ایش سیزلیک مساله سی دن شکایت قیله دیلر، عین حالده کوپلب اهالی ایسه ایش سیزلیک سبب ناچارلیکدن قوشنی اولکه لرگه هم یول آله یاتگن لری کوزه تیله دی.