اندونیزیاده گی دینگیزده کیمه چوکیب کیتگنی باعث 53 یولاوچیسی یوقالگن

اندونیزیا ده گی دینگیزدن قانون سیزلیک بیلن آستریالیاگه قره ب کیته یاتگن بیر کیمه نینگ چوکیب کیتیشی آرتیدن 50 دن آرتیق انسان یوقالگنی معلوم بولگن. بو حادثه بوندن ایککی کون مقدم یوز بیرگن.

14 کیشی بلیغ شکارچی لری تمانیدن قوتقریلگنی ایتیلماقده و بو کیشی لر اوز لرینی افغان فقرا سی دیشیب، دینگیزده ینه بیش جانی نی قولدن بیرگن انساننی کورگنلیک لرینی بیان ایتگن لر.

افغانستان حکومتی، غرق بولگن کیشی لرنینگ قوتقریشی اوچون عملیات باشلنگنی نی ایتیب، اما قاچقین لر توغری سیده فعالیت قیله یاتگن بیر تشکیلات بو مسئله اوچون هماهنگ لیک یوق لیگی سببلی هیچ قنده ی عملیات یولگه قوییلمه گنی دن سوز یوریتگن.

حبیب الرحمن قویاش کابل دن خبر قیله دی.

دستلبکی معلوماتلر، اندونیزیا دینگیزیده یوقالگن کیمه یوللاوچیلری افغان و ایران فقرا سی ایکن لیگینی بیلدیرگن ایدی اما اون تورت افغان فقرا سی بلیغ شکارچی لری تمانیدن قوتقریلگنی دن کیین، یوریتگن سوزلریده مذکور کیمه ده 72 افغان فقرا سی موجود ایکن لگی نی ایتیلگن لر.

شونده ی بیرحالده قاچقین لر توغری سیده فعالیت قیله یاتگن استیت ناملی بیر تشکیلات گه کوره، مذکور کیمه دن حاضر 53 کیشی بی درک یوقالگن.

مذکور تشکیلات نینگ مطبوعات باشلیغی تارا علی بی بی سی گه ایتیشیچه، اندونیزیا نینگ قوتقروچی اجنتلیگی سوگه قالیب، حیاتی نی یوقاتمه گن انسان لرنینگ دینگیزدن قوتقریش امکانیتی گه ایگه ایمس.

" قوتقریلگن لر بیش کیشی نی سو اوستیده کورگنلیک لرینی ایتگن لر. اما بو بیش کیشی نینگ جسد لری هنوزگه چه تاپیلمه گن. بو بیلن 53 کیشی هم یوقالگن و کتته احتمال بیلن اولر هم اولگن لر. قوتقریلگن لر گه کوره، کیمه گه مینگن لر همه سی افغان ایکن و هزاره قومیگه تیگیشلی ایکن لر. اما بوندن آلدین مذکور کیمه گن ایران فقرا سی هم بارلیگی ایتیلگن ایدی. اندونیزیا نینگ ملی قوتقرووچی تشکیلاتی، هماهنگ سیزلیک باعث یخشی قوتقریش عملیات نی یولگه قوییش اوچون قادر ایمس."

اما افغانستان حکومتی ایسه، اندونیزیا و آسترالیا دولت لری یوقالگن انسانلرنینگ تاپیش اوچون عملیات یولگه قویگن لیک لرینی بیان ایته دی.

افغانستان دنیا ده گی غیر قانونی قاچقین لرنینگ تشکیل بیره یاتگن یگانه مملکت حسابلنه دی. غیر قانونی مهاجرت لر خطر لریدن آگاه لنتیریش تشکیلاتیگه کوره، میلادی جاری ییل نینگ بیرینچی اوچ آیی ایچیده 550 افغان قانون سیزلیک بیلن اوزلرینی آسترالیاگه ییتکزگن لر.

اندونیزیا دینگیزی غیر قانونی شکلده آسترالیا گه قره ب کیته یاتگن لر اوچون اینگ خوف لی یول حسابلنه دی.

میلادی اوتگن ییل نینگ دسامبر آییده غیر قانونی شکلده ترکیه دن یونان گه قره ب کیته یاتگن دینگیزگه 21 افغان حیاتی نی قولدن بیرگن ایدی.

رقم لرگه کوره، سونگی اوچ ییلده اندونیزیادن استرالیا گه اوتیشینی مقصد قیلگن 650 نفر مینیلگن کیمه لر سووگه باتدی بو مهاجرلرمابینده اونلب افغان مهاجرلری هم موجود ایدی.

افغانستانده خوف سیزلیک وضعیتی یخشی بولمه گنی و اقتصادی معما لر باعث مینگلب افغان خارجی مملکت لر اینیقسه امریکا، اروپا و آسترالیا اولکه سیگه قانون سیز شکلده کیتیشه دیلر. اما بیر قنچه سی ایسه ایککی کون ایلگری اندونیزیاده یوز بیرگن الملی حادثه لر گه دچار بولیب هلاکت گه اوچره شه دیلر.