افغانستان: پاکستاننی ایریم یوللردن فشار آستیده کیلتیره میز

افغانستان دولتی پاکستان تمانیدن ننگرهار ولایتی نینگ گوشته تومنیده قوریلگن حربی دیوار نی بیکار ایتیشی اوچون ایریم یوللردن پاکستاننی فشار آستیگه کیلتیریشی نی بیان ایتگن.

افغانستان ایچکی ایشلر وزیرلیگیگه کوره، پاکستان تمانیدن قوریله یاتگن امنیتی دروازه ایشی توخته تیلیب قوییلگن لیکن دیورند چیزیغیده آلدین دن قوریلگن دیوار لر اورته دن ایلتیلمه گن.

شو نینگ دیک افغانستان حکومتی، مذکور حربی دیوار لرنینگ اورته دن ایلتیشی اوچون ناتو دن هم جدی همکارلیک ایسته گن.

پاکستان تمانیدن افغانستان حدودیده ایجادایتیلگن حربی دروازه و دیوارلر بیکار ایتیلمه گنی، افغانستان دولتی نی غضب لنتیریشگه سبب بولیب، مذکور دیوار لر اورته دن ایلتیلیشی اوستیده تاکید لب کیلماقده.

افغانستان ایچکی ایشلر وزیرلیگی نینگ سوزچی سی صدیق صدیقی ناتو نینگ افغانستانده گی حربی و ملکی سوزچیلری بیلن یولگه قوییگن قوشمه کنفرانسیده، افغانستان دولتی مذکور دیوارلرنی اورته دن ایلتیشی اوچون هر بیر ممکن یولدن فایده لنیشینی معلوم قیلدی.

پاکستان تمانیدن افغانستان توپراغیده بیر حربی دروازه و دیوار لر قوریله یاتگن خبری چیقیشی بیلن، جمهور رییس کرزی مذکور مسئله جدی شکلده تیکشیریلیشی اوچون بیر گروه هیئت نی تعیین ایتدی.

مذکور هیئت نینگ گزارشی گه کوره، ناتو تشکیلاتی بوندن اون ایککی ییل مقدم، دیورند چیزیغیده عصیانچیلیک فعالیت لریگه قرشی کوره شیش مقصدیده پاکستان تمانیدن قوریلیشی توغری سیده کیلیشیلگن. اما افغانستان دولتی مذکور دروازه و دیوارلرنی خلق ارا توافق و تعهد لر گه قرشی بیر عمل دیشیب، ناتو بو دیوارلرنی اورته دن ایلتیشی اوچون افغانستان بیلن همکارلیک قیلیشی نی ایسته گن.

" خوب ایندی آیساف بو اوچ تمانلمه همکارلیک لر چوکاتیده بیز بیلن همکارلیک قیلیشیگه امید بیلدیره میز. چونکه ناتو و پاکستان چیگره چیلری بیرگه لیکگه هم ایشله یدیلر، شو نینگ دیک بو لر پاکستان حربی لری اوستیده نفوذلری هم بار. ناتو، شو یوللردن بیزنی ایسته گیمیزنی اولرگه ایشتتیرسین. بیز هم فشارلریمیز نی دوام بیره میز و بیزگه دیورند چیزیغیده حربی بنالر موجود لیگی و یا توزه لیشی قبول قیلینرلی مسئله ایمس و بو گپ بیزنی رسمی موضع میز."

افغانستان ایچکی ایشلر وزیرلیگی نینگ مذکور ایسته ک لریگه قرگنده، ناتو نینگ سوزچی سی جنرال جوزف کیتس ایسه افغانستان و پاکستان آره سیده گی چیگره قره مه قرشیلیک لرینی تیکشیریشی دن سوز یوریتیب، هر ایککله مملکت چیگره حدود لری نینگ امنیتی نی یخشی لشتیریش اوچون هر ایککله مملکت بیلن سوزلشیشی نی بیان ایته دی.

" افغانستان دولتی تمانیدن ایشانرلی معلومات قولگه کیریتیشیمیز بیلن بیز بو توغریده آچیق راق سوزلشیشیمیز ممکن. و او زمان ایته آله میز که اون ییل ایلگری نیمه لر بولگن. حاضر بیز بو مسئله نی نه رد ایته آله میز و نه هم تایید قیله آله میز. بیز معلومات قولگه کیرتگن حالده بو توغریده تحقیق قیله میز."

دیورند چیزیغی افغانستان نی جنوب و شرقی حدود دن پاکستان بیلن باغله ب و بو چیگره هر ایککله مملکت نینگ جنجلللی و چیگره سی حسابلنه دی. شونده ی بیرحالده افغانستان پاکستاننی نیچه ییل دن بیری تورلی موضوع لر توغری سیده عیب له ماقده. پاکستان تمانیدن افغانستان گه قرته اوق لر آتیلیشی، مذکور مملکت افغانستانده تینچلیک نی ایسته مس لیگی و صلح پروسه سیگه جدی شکلده یاردم بیرمس لیک کبی مسئله لر عیبلاو شکلده افغانستان تمانیدن یوریتیله دی. شونده ی بیرحالده پاکستان ایسه مذکور عیب لاولرنی رد ایتگن. شونده ی بیرحالده افغانستان حکومتی ایسه افغان کوچلری یخشی جهازلنگنی و عصیانچیلر بیلن قرشی کوره شیش اوچون امکانیت لر کوپ بولگنی دن هم سوز یوریتگن.