افغانستان عالی اوقوو یورتلری ظرفیتی نینگ کوتاریش اوچون امریکا نینگ 90 ملیون دالرلیک یاردمی

امریکا نینگ خلق ارا ترقیات تشکیلاتی، افغانستان نینگ 10 عالی اوقو درگاه لری ظرفیت لری نینگ کوچلنتیریش اوچون، 92 ملیون دالر یاردم بیریشی نی معلوم قیلگن.

افغانستان عالی اوقوو وزیرلیگیگه کوره، مذکور مبلغ بیش ییل لیک بیر ریجه اساسیده صرفله نه دی.

اوشبو وزیرلیک نینگ معلوم قیلیشیچه، افغانستان عالی اوقوو درگاه لری ظرفیت لری یخشی له یشی بیلن خارجی طلبه لر افغانستانگه کیلیب تحصیل قیلیش لریگه یوللری آچیله دی.

کابل نینگ تورت عالی اوقو درگاه لری، همده هرات، ننگرهار، قندوز، خوست، بلخ و قندهار عالی اوقوو یورت لری نینگ ظرفیت لرینی کوتاریشی اوچون امریکا نینگ سوز بیرگن 92 ملیون دالر مبلغی صرفله نیشی ایتیلگن.

بو مبلغ کوپراق، تحصیل کیفیتی نینگ کوتاریش و درسی نصاب نینگ کوچلنتیریشی توغریسیده صرفلنه نیشی نی بیلگی لنگن.

امریکا خلق ارا ترقیات تشکیلاتی رییسی اسکن یماشیتا:

" بو ریجه میز نینگ مقصد لریدن بیری مهارت لرنینگ یوکسلتیریش دیر. عالی اوقوو یورت لر بیلن ایشلش کیره ک بولیب کیین قه یسی مهارت لرنی یوکسلتیریشی ضرور ایکنی بیللی بولیشی دیر. اینیقسه، افغانستان نینگ اقتصادیاتی نی ترقیاتی گه ایجابی تاثیر قویاتگن مهارتلر دیر."

خلق ارا بانکی، امریکا نینگ خلق ارا ترقیات تشکیلاتی، و جایکا موسسه سی اوتگن اون ییل جریانیده افغانستان نینگ عالی اوقوو یورت لری گه مهم یاردمچی لردن حسابلنگن.

شونده ی بیر حالده افغانستان عالی اوقوو یورت لر وزیری عبیدالله عبید، مملکتده گی عالی اوقوو درگاه لریده کوپراق سرمایه یاتقیزیشی نی بیلدیرماقده.

خود شو ریجه لرگه قرگنده، هر ییل اوتیشی بیلن افغانستان عالی اوقوو یورت لریگه کیریشنی ایسته یاتگن طلبه لر سانی آشیب بارماقده.

مسووللرنینگ بیلدیریشیچه، حاضر 250 مینگ طلبه افغانستان نینگ دولتی و خصوصی عالی اوقو درگاه لریده تحصیل آلماقده. اما شو طلبه لر سانی کوپه یشی بیلن هنوز هم بو عالی اوقو درگاه لرنینگ درسی نصاب لری معیارلرگه گه ماس ایمس ایکن لیگیدن انچه تنقید لر موجود.

عالی اوقوو یورت لر وزیرلیگی مملکت عالی اوقوو درگاه لری ظرفیت لری نینگ یوکسلتیریشی بیلن خارجی طلبه لر افغانستان گه کیلیب تحصیل قیلیشلریده امید بیلدیرماقده.

تورت اون ییللیک آلدین افغانستان عالی اوقوو یورت لریگه ایریم خارجی مملکت لر طلبه لری تحصیل قیلریدیلر. اما مملکت ده اوریش لر باشله نیشی بیلن بو جریانگه انچه ضربه ییتکزیب بیرگن.

افغانستان نینگ عالی تحصیلات شرایط لری حاضر کوپراق بولیشی بیلن بیرینچی مرته تورکیه دن کیلگن 40 طلبه اوچون کابل عالی اوقوو یورتیگه تحصیل زمینه سی یره تیلگن. مذکور تورک طلبه لری شرعیات و دری تیل و ادبیات بولیم لریده لسانس درجه سیگه چه تحصیل قیله دیلر.