" عیال پلیس لری اوچون ایری حاجت خانه لر بولمه گنی ییریک معماگه ایلنگن"

انسان حقلرینی نظارت ایتوچی خلق ارا تشکیلات، افغان عیال پلیس لری اوچون مخصوص حاجت خانه وکیم المتشروچی حجره لر ایجاد ایتیشینی افغانستان حکومتیدن طلب قیلگن.

مذکور تشکیلات مسووللری اگر حکومت، بوخصوصده جدی اعتبار قره تمه سه پلیس صفیگه فعالیت آلیب باره یاتگن عیال پلیسلر اوز وظیفه لرینی ترک ایتشی ممکن لیگی آگاه لنتیرگن.

افغانستان ایچکی ایشلر وزیرلیگی بوخصوصده جدی ایزلب، عیال پلیس لری اوچون قولی لیک یره تلیشینی معلوم قیلگن.

حاضرگه قره گنده قریب 2000 عیال پلیس افغانستان ایچکی ایشلر وزیرلیگی چوکاتیده فعالیت آلیب بارماقده.

مرکزی نیویارک ده بولگن انسان حقلرینی نظارت ایتوچی خلق ارا تشکیلات عیال پلیس لری ایریم حاجت خانه و کیملرینی المشتریش اوچون مخصوص حجره لردن بهره مند ایمسلیگینی ایتگن.

تشکیلات مسووللریگه کوره حساباتنی تیارلش اوچون ایریم امنیتی پوسته لرنی یقیند کوریب یوقاری مرتبه لی مقاملر بیلن هم صحبت قیلگن.

اولرگه کوره، شوندی مکانلر بولمه گنی عیالرنی جنسی وروحی لحاظ دن خطرلر بیلن دوچ قیله دی.

انسان حقلرینی نظارت ایتوچی خلق ارا تشکیلات نینگ افغانستانده گی مسووللریدن بیری هیدربار بی بی سی بیلن بولگن صحبتیده بوحقده شوندی دیدی:" بو جدی بیر قینچیلیک، عیالر ایشله یاتگن مکانلریده مخصوص حاجت خانه لردن بهره مند بولمه گنلیک لری ناممکن. بو هربیر فرهنگ گه قره گنده افغانستانده ناممکن عیاللر حاجت لرینی برطرف ایتیش اوچون اچیق مکان دن فایده لنه آلمیدیلر ویا ایرکک لر حاجت خانه لریدن فایده لنسه حال بوکی حاجت خانه لرگه قفل هم یوق.بو مهم بیر موضوع، عیاللرنی پلیس صفیگه کیرمسلیکلریگه سبب بولیشی ممکن."

خارجی عیال مصلحت چیلردن بیری نینگ اوشبو تشکیلات گه ایتیشچه: "عیال پلیس لری کوپراق چیککه و حاجت خانه لرده جنسی زوروانلیک بیلن دوچ کیله دی." اونگه کوره قوشمه حاجت خانه لر یا دیوالری تیشیک یاهم حاجت خانه و کیم المشتریش حجره لر ایشگیگه قفل یوق.

شونینگدیک حساباتده یازیلیشچه عیال پلیسلری ، حاجت خانه ده باریش اوچون باشقه بیر عیالنی اوزلری بیلن بیرگه الیب کیتیشگه مجبور بوله دی.

افغانستان ایچکی ایشلر وزیرلیگی، 2014 ییل گه چه عیال پلیس لر سانینی بیش مینگه یتکزیشنی مقصد قیلگن اما تشکیلات بو هدف گه یتیشیش قینت ایکنینی ایتگن.