فاریابده یوزبیریب کیله یاتگن توقنه شوولر آغیر تلفات قالدیرگن

فاریاب مفاملریگه کوره، اوشبو ولایتده طالبان عصیانچیلری افغان امنیتی کوچلر آره سیده یوزبیرگن توقنه شوولرده، کمیده 63 عصیانچی وآلتی پلیس هلاک بولگن.همده اونلب عایله اوز اوی جایلرینی ترک ایتیشگه مجبور بولگنلر.

ولایت حاکمی سوزچیسی جاوید بیدار، بی بی سی بیلن بولگن صحبتیده توقنه شوو فاریاب ولایتی نینگ قیصار والمار تومنلریده یوزبیرگنینی ایتدی. اونگه کوره توقنه شوولر هلی هم دوام ایتماقده.

شونینگ دیک ولایت حاکمی سوزچیسی جاوید بیدار ، طالبان عصیانچیلری قیصار ده گی امنیتی پوسته لرگه هجوم اویشتیرگنیدن سونگ اوروش باشله نیب کیتگنینی ایتیب، طالبان تمانیدن قیصار حاکمی ایتب تعین لنگن شخص قوشیمچه 61 طالب هلاک بولگنینی معلوم قیلدی.همده هلاک بولگن لر اره سیده طالبان یننگ باشقه بیرنیچه محلی قوماندانی هم بارلیگی ایتیلگن.

شونینگ دیک فاریاب ولایت حاکمی سوزچیسی، عملیات جریایده تورت پلیس هم هلاک بولگنینی تصدیق له دی.

عینی حالده المار تومنیده یوزبیرگن توقنه شووده ایککی عصیانچی و ایککی پلیس هلاک بولگنی ایتیلماقده.

شونگه قوشیمچه بیدار جنابلری، اوروشلر باعث اونلب عایله اوز اوی جایلرینی ترک ایتیشگه مجبور بولگنینی ایتدی اما، محل یشاوچیلری یوزلب عایله اوروش دوام ایته یاتگن منطقه لریدن کوچیب چیققنی تیلگه آلیب تینچ فقرا هم تلف بولگنینی ادعا قیلگن.

باشقه تماندن فاریاب ولایتی نینگ ملت وکیلی نقیب الله فایق، اولوسی جرگه نینگ عمومی یغینده چیقیش قیلیب فاریابده یوزبیریب کیله یاتگن اوروشده، اونلب افغان امنیتی عسکر هلاک بولگنینی تیلگه آلگن.

فاریاب حاکمی نینگ سوزچیسی اولوسی جرگه نینگ مذکور اعضاسی نینگ بیرگن رقمی نی تایید قیلمه دی.

فایق جنابلری فاریاب ولایتیده دولتی خوف سیزلیک ارگان لری آره سیده هماهنگ سیزلیک بارلیگی نی ایتیب، عصیانچی لر بیلن یوزمه یوز اوریشه یاتگن دولت کوچلریدن جدی شکلده حمایت بولمس لیگینی هم تنقید آستیده آلدی.

او، فاریاب ولایتی نینگ غرب تمانیدن شمال بیلن باغله یاتگن یگانه یول دیشیب، مذکور ولایت دن طالبان گروهی یوق ایتیلمسه، شمالی حدودلر امنیتی یمان بولیشی بیلن آگاه لنتیردی.