افغان حکومتی: طالبان نینگ سونگی بیاناتی روانی بیر تبلیغات بولگن

طالبان عصیانچیلری بیر بیانات ترقه تیب،افغانستان بویلب خالد بن ولید ناملی ییریک بیر عملیات یولگه قویشلریدن خبربیرگن.اما افغانستان حکومتی طلبان نینگ بو بیاناتی روانی بیرتبلیغات بولگنینی تاکیدله گن.

شونینگ دیک طالبان عصیانچیلری اوشبو بیاناتده جاری ییلده، مریکاحربیلرگه تیگیشلی بولگن مرکز و دیپلماتیک مکانلرگه کوپراق گروهی هجوم اویشتریشینی ریجه لشتیرگنینی هم تاکیدله گن.

افغانستان ایچکی ایشلر وزیرلیگی طالبان نینگ بو بیاناتینی تبلیغاتی بیر حرکت اتب طالبان شوندی عمل گه قورگن حالده هم افغان امنیتی کوچلری نینگ جدی مناسبتی بیلن دوچ کیلیشنی ایتگن.

شونینگدیک افغانستان ایچکی ایشلر وزیرلیگی طالبان نینگ بو بیاناتی افغانستان خلقیگه قرشی اروشنی دوام ایتریشی دیه فکر بیلدیردی.افغانستان ایچکی ایشلروزیرلیگی سوزچیسی صدیق صدیقی، طالبان بو بیاناتنی خارجیلر بویوروغی اساسیده ترقه تگنینی ایتدی. همده او، طالبان نینگ هرقندی هجومیگه قرشی جواب بیریلیشی بیلن آگاه لنتیردی.

"بو عملیات لرگه ات قویش فقط اسلام گه بیر توهین بولر مسلمان لر وکیللری بوله آلمیدیلر اولر بیگانه لر دستوریگه شوندی بیاناتلرینی ترقه ته دی، بو یلغان بیر روحی تبلیغات مردم اولرگه قرشی توره دی باشقه تماندن افغان امنیتی کوچلری یخشی کوچلنگن، اولرنینگ هرقندی عملیات لرگه امنیتی کوچلر جدی مناسبت بیلدیره دی دیدی."

افغانستان مدافعه وزیرلیگی هم طلبان نینگ بو بیاناتیده جدی مناسبت بیلدیریب، اوشبو گروه گه قرشی کینگ عملیات یولگه قویلیشی بیلن آگاه لنتیرگن.

بوندن بیرنیچه کون آلدین غیردولتی نهادلر امنیتینی تامین لش اوچون فعالیت الیب باره یاتگن تشکیلات بیر حسابات ترقه تیب، عصیانچیلر فعالیتی 47 فایز کوپیگنیدن خبربیرگن ایدی.

حاضرگی شرایطده افغان امنیتی کوچلر سانی 350 مینگه یتیشگن. میلادی 2014 ییل اخرلریگه چه ناتو کوچلری نینگ افغانستانده گی حربی ماموریتی نهایه تاپه دی. اوزمانده خوف سیزلیک مسوولیت لری هم بوتونلی افغان کوچلریگه تاپشریله دی.