افغان حکومتی گوشته تومنیده امنیتی تاسیسات ایجاد ایتلیشیگه ناتونی عیبله دی

افغان حکومتی نینگ ایتییچه ننگرهار ولایتی نیننگ گوشته تومنیده، گی ایریم منطقه لرناتو تمانیدن پاکستانلیک حربیلریگه تاپشریلیب پاکستان حربیلری ایسه امنیتی تاسیسات ودیواللرایجاد ایتیشگه حرکت قیلگن.

افغان یوقاری مرتبه لی مقاملریدن بیری ننگرهار ولایتی نینگ گوشته تومنیده پاکستان تمانیدن امنیتی دیواللر وحربی تاسیسات ایجاد ایتیلیشگه توغریدن توغری ناتو نینگ عیبلب چیقدی.

ریاست جمهورلیک سرایگه کوره، گوشته منطقه سیده گی حدودلرنی ناتو کوچلری اوز قوللری بیلن پاکستانلیک لرگه تاپشرگن.

افغانستان ریاست جمهورلیک سرای نینگ اداره باشلیغی عبدالکریم خرم، بی بی سی بیلن بولگن صحبتیده جمهورریسی کرزی، اوباماگه بیر مکتوب یوللب ایککی اولکه اره سیده گی استراتیزیک قراردادگه ماس بومسله حلی اوچون امریکا قوشمه ایالت لرینی اره له شیشنی طلب قیلگنینی ایتدی:"بو امریکا نینگ بیرتور اره له شیشینی کورسه ته دی، افغانستان وامریکا اره سیده استراتیژیک قرارداد موجود. شو اوچون جمهورریس حامد کرزی امریکا جمهورریسی باراک اوباما گه مکتوب یوللب، پاکستانلیک لر منطقه نی ترک ایتیشی اوچون امریکا نینگ اره له شیشنی طلب قیلگن. مکتوب ایککی هفته الدین یولنگن، لیکن حاضرگه قدرهم جوابی بیزگه ایتیب کیلمه گن دیدی خرم جنابلری."

بوندن آلدین افغانستان حکومتی موضوع نی دقیق تیکشریش اوچون گوشته تومنیگه بیرگروه هیات یوبارگن ایدی.

خرم جنابلریگه کوره، هیات تمانیدن ملی امنیت کینگاشیگه بیریلگن معلومات لرگه ماس پاکستان حربیلری بولگن منطقه لرده اوروشلر دوریده مجاهدلر جایلشگن ایکن. خارجی کوچلر افغانستانده کیلیشی بیلن اوشبو منطقه ده باریب جایلشگن خرم نینگ ایتیشچه، ناتو کوچلری منطقه نی ترک ایتیب کینچه لیک پاکستانلیک حربیلریگه تاپشیرگنلر.

اما ایساف کوچلری نینگ افغانستانده گی سوزچیلریدن جنرال گونتر کیتیس بوحقده شوندی فکر بیلدیردی:"بوسوال گه جواب بیریش اوچون ارتیقچه معلومات آلیشگه نیازی میز بار،بوحادثه قییرده بولگن،هرقنچه تیز معلومات قولگه کیرتسک تیزلیک بیلن تیکشره میز، اما حاضر بوخصوصده هیچ نرسه ایته آلمی من."

افغانستان حکومتی بوندن الدین نیچه مراتبه پاکستاننی گوشته تومنیده امنیتی ایشک لر ایجاد ایته یاتگنلیکده عیبلب پاکستان نینگ بوعملدن قول تارتیشی بیلن آگاه لنتیردی. لیکن پاکستان حکومتی بوکبی ادعالرنی رد ایته دی.