پشاورده یوزبیرگن انتحاری هجومده ایکی افغان دیپلمات هلاک بولگن

پیشاور شهری نینگ ارباب رود منطقه سیده یوزبیرگن انتحاری هجومده افغانستان عالی تینچلیک کینگاش اعضالریدن قاضی محمد امین وقاد نینگ اوغلی و اکه سی نینگ اوغلی هلاک بولگن.

قاضی محمد امین وقاد نینگ باشقه بیر اوغلی جمال الدین وقاد، بی بی سی بیلن بولگن صحبتیده ایناغه سی قاری هلال و اکه سی نینگ اوغلی دفتر قره ب کیته یاگن چاغی یولده یوزبیرگن هجوم نتیجه سیده هلاک بولگنینی ایتدی.

قاضی محمد امین وقاد نینگ اوغلی افغانستان نینگ پشاور ده گی قونسیلگرلیگیده فعالیت آلیب باررایکن.

شونینگ دیک ایریم خبر واسطه لری، هجومده باشقه بیرنیچه افغان هم قربان بولگنیدن خبربیرگن، لیکن افغان رسمیلری حاضرگه قدرهم بوخصوصده هیچ نرسه ایتمه گن.

رسمی معلومات لرگه کوره پشاور شهری نینگ ارباب رود منطقه سیده یوزبیرگن هجومده کمیده 80 کیشی اولیب 50 یقین انسان یره لنگن.