کرزی: دیورند چیزیغی هیچ بیرزمان رسمی چیگره صفتیده تانیلمیدی

جمهورریس حامدکرزی، دیورند چیزیغی هیچ بیرزمان افغانستان حکومتی تمانیدن رسمیت گه تانیملسلیگینی اورغولب، ایکی اولکه اره سیده گی دیورند چیزیغی انگلیس لر تمانیدن قبول قیلدیریلگن بیر چیزیغ دیه فکر بیلدیردی

عینی حالده او، بوندن بویان هم مذکور چیزیغ افغانستان حکومتی تمانیدن رسمی چیگره صفتیده تانیلمسلگینی تاکیدله دی.

اروپارسفریدن قیتگن جمهوررییس حامدکرزی، مطبوعات انجمنی اوتکزیب بیرینچی بار سفری باره سیده ایمس بلکه ننگرهار ولایتی نینگ گوشته تومنیده یوزبیرگن توقنه شوو حقیده سوز آچدی.

شونینگ دیک کرزی اوروشده قربان بولگن بیرافغان عسکری اولکه دن مدافع ایتیش اوچون جانینی فدا قیلگندیب اونی القیش له دی. بوشخص پاکستان حربیلری بیلن گوشته تومنیده یوزبیرگن اوروشده هلاک بولگن ایدی.

شونگه قوشیمچه کرزی جنابلری ننگرهار ولایتی نینگ گوشته تومنیده یوزبیرگن توقنه شوودن پاکستان نینگ اصلی مقصدی دیورند چیزیغی نی افغانستان حکومتی تمانیدن رسمیت گه تانیش بولگنینی اورغولب بوحقده شوندی فکر بیلدیردی:"چیگره نینگ ایکی تمانده حیات اوتکزیب کیله یاتگن اهالی دیورند خطینی قبول قیلمه گن ، شودلیل هم مردم نینگ اوتیب قیتیش آزاد ایتگن، افغانستان حکومتی نینگ هیچ بیرحکومت هم بو خطنی قبول قیلیشی ممکن ایمس،ونه هیچ بیرحکومت بوخطنی قبول قیلیشگه جرات قیله آلمه یشی ممکن چونکه مردم نینگ جدی قرشی لیگی بیلن دوچ کیله دی. اگر شوندی حرکت لر دیورند خطینی رسمیتگه تانیش اوچون بولسه. بو ناممکن هیچ بیر افغان حکومتی بوایشنی قیلمیدی."

شونینگ دیک کرزی جنابلری، پاکستان مقاملری ایریم رسمی یغین لرده دیورند مسله سی اوستیگه بحث قیلیشینی سوره گن، لیکن اونگه کوره افغان مقاملری تمانیدن قطعی شکلده رد ایتیلگن.

باشقه تماندن جمهورریس کرزی امریکا استخبارات اداره سی تمانیدن، ریاست جمهورلیک سرایگه نقد پول بیره دی دیگن حسابات لرنی هم رد ایتمه دی عینی حالده او، بو نقدی پوللرنی کیسیب قویلمسلیگینی امریکا استخبارات اداره سی نینگ کابلده گی مسوولیدن طلب قیلگنینی تاکیدله دی.

بوندن الدین نیویارک تایمز روزنامه سی بیر حسابات ترقه تیب، اون ییل جریانیده میلونلب امریکا لیک دالر سرلی شکلده کرزی اداره سیگه امریکا استخبارات اداره سی تمانیدن بیریلگنینی ایگندی.

کرزی جنابلری هرییلی قنچه پول بیریلگنی باره سیده اچیقچه معلومات بیرمی، بیراق افغانستان نینگ بو پوللرگه جدی نیازی بارلیگینی اورغوله دی. اونگه کوره مذکور پوللر، ریاست جمهورلیک سرای قوریقچیلری نینگ ایلیگینی تولش، یره لنگن شخصلر وناخوش کیشلر هزینه سی نی تولش و افغان طلبه لری نینگ تحصیل آلیش لری اوچون صرفله نیب کیلگنینی ایتدی.