افغانستانده اوزبیک تیلیده نشرات بیره یاتگن تلویزیون کاناللر سانی آرتماقده

سونگی نیچه آی جریانیده اوزبیک تیلیده یایین بیره یاتگن تورت تلویزیون رسمی شکلده فعالیت رخصتینی آلیب، هنوزگه قدر اوچته سی اوز نشرات لرینی باشله گن.

مذکور تلویزیون کاناللری سیاسی و بیر قنچه تاجر لر تمانیدن ایجاد ایتیلگن.

"باتور" تلویزیونی جنرال عبدالرشید دوستم نینگ اوغلی نی اسمیگه فعالیت گه باشله ب قمرگه هم چیقگن. شو نینگ جوزجان حاکمی محمد عالم ساعی گه تیگیشلی "بیرلیک" تلویزیونی هم تخاردن فعالیتینی باشلگن.

باشقه تماندن "الماس" تلویزیونی مزاردن فعالیت گه باشله گن و "آی" تلویزیونی ایسه یقین کیله جکده باشله ماقچی بولگن.

اوزبیک تیلی افغانستان باش قانونی ده رسمی شکلده کیریتیلیشی بیلن، بو تیلده رادیو و تلویزیون لر یایین بیریش فعالیت لری هم کون سایین کوپه یماقده.

افغانستان نینگ اون ولایتیده اوزبیک و تورکمن لر مذکور تلویزیون کاناللری نی تماشا قیله دیلر. حاضر یالغیز "باتور" تلویزیونی ماهواره گه چیقگن. و قالگن ینه اوچ تلویزیون مسووللری، یقینده سونی یولداش آرقه لی یایین بیریشنی ایتماقده لر.

الماس تلویزیونی نینگ رییسی انجنیر نظیف صالحی، مذکور تلویزیون نی ایجاد ایتگنی دن اساسی مقصد اوزبیک لر مدنیتی گه اوز حصه سیگه خذمت قیلیش دیب معلوم قیله دی.

صالحی جنابلری بو مقصدی اوچون اوزبیکستان دولتی، افغانستان اوزبیک لری نینگ تلویزیون لریده یاردم بیریشی نی ایسته ماقده.

اوزبیک تیلیده نشرات بیره یاتگن رسانه لر اینیقسه تلویزیون لر گه مسلکی و ملکه لی ژورنالیست لر یوق لیگی باعث، مردم هم اوزبیکستان کاناللری نینگ کوپراق تماشا قیله دیلر.

ینگی دن ایجاد ایتیلیب اوزبیک و فارسی تیلیده نشرات بیرماقچی بولگن "آی" تلویزیونی نینگ باشلیغ لریدن محمد عالم کوهکن گه کوره، خود شو ملکه لی و مسلکی ژورنالیست لر آزلیگی باعث، برچه افغانستان تلویزیون لری جمله دن اوزبیک تلویزیون لری قیینچلیک لر بیلن یوزمه یوز.

کوهکن جنابلری بیر قنچه استعدادلی یاشلر اوزبیکستان گه جونه تیلیب اوز ملکه لرینی آشیرگن بیر حالده، جاری قیین چیلیک نینگ برطرف بولیشگه امید بیلدیره دی.

طالبان گروهی آغدریلیشیدن سونگ ، افغانستانده آیینه تلویزیون بیرینچی خصوصی تلویزیون صفتیده اوزبیک و فارس تیلیده برنامه لر ترقه تدی. کیین ملی تلویزیونی یانیده، آریانا، آرزو، نور، و راه فردا تلویزیون لری هم اوزبیک تیلیده ینگی لیک لر و بیر قنچه برنامه لرنی ترقه تیشگه باشله دیلر و بو جریان هنوز هم دوام ایتماقده.

باشقه تماندن اوزبیک یازوچی و ژورنالیست عزیز الله ارال هم ینگی دن فعالیت نی باشله گن اوزبیک تلویزیون لری، اوزبیک و تورکمن خلقی تیلی و مدنیتی نینگ رواجلنتیریشگه کتته حصه قوشیشی ممکن لیگی اوستیده تاکید له یدی.

هرچند اوزبیکستان تلویزیون لری اوزبیک تیلیده قوشیق لر، فلم و سریاللر شونینگ دیک تاریخی و ادبی مستند لرنینگ ایشله ب چیقاریشیده افغانستان تلویزیون لریگه قرگنده انچه ظرفیت لرگه ایگه اما شونده ی بولسه هم مذکور مملکتده گی تلویزیون لرگه سوز ایرکین لیگی یوق لیگی ایتیله دی. ایریم ایش بیلرمان کیشلر اوزبیک تیلیده یایین بیره یاتگن تلویزیون کانللری نینگ حاضرگی فعالیت لری کینگه یشی بیلن، بوساحه ده ایش قابلیتیگه ایگه بولگن ملکه لی ایشچیلر سانی کوپه ییب حتی کی اوزلری فلم و تاریخی حجت لی برنامه لر ایشله ب چیقاریشیده امید بیلدیره دی.