مالیه وزیری نینگ استیضاح قیلیش اوچون اولوسی جرگه ده قرمه قرشی فکر لر

افغانستان مالیه وزیری بیر قنچه ملت وکیل لر مخدره ماده لر و ایچیملیک الکل لر قاچاقیگه قوللری بارلیگی ادعا سینی یولگه قوییش آرتیدن، اولوسی جرگه نینگ بوگونکی یغینی قره مه قرشی فکر لر بیلن یولگه قوییلدی.

جلسه ده، بیر قنچه ملت وکیل لر افغانستان مالیه وزیری عمر زاخیلوال استیضاح بولیشی نی طلب قیلدی اما استیضاح اوچون امضا قیلگن بیر قنچه ملت وکیل لر ایسه، آلگن تصمیم لریدن وازکیچدیلر.

خود شو قره مه قرشیلیک لر یولگه قوییلیشی بیلن بوگونکی جلسه نتیجه سیز شکلده توگه ییب قالدی.

بوندن اول راق مالیه وزیری عمر زاخیلوال استیضاح بولیشی اوچون ملت وکیل لردن ییترلی امضا لر یغیلگن ایدی اما بوگونکی جلسه ده بیر قنچه ملت وکیللر زاخیلوال جنابلری نینگ استیضاح قیلیش تصمیمی دن واز کیچیش لرینی بیان ایتدیلر.

سید محمد نماینده لردن بیری:

" بو روی خطده مین امضا قیلگن ایدیم و قیته دن تصمیمدن واز کیچدیم. چونکه نیچه کیشی بو مسئله توغری سیده فعالیت قیله دیلر و وزیر نینگ اوییگه کیتیب، معامله قیله دیلر. قره نگلر نیجه مرته بونقه لست لر توزه لیب قه یته دن بوزیلگن. مین بونی بیلگن من که بو مسئله معامله قیلیش مقصدی بیلن صورت تاپه دی."

باشقه تماندن بیر قنچه ملت وکیل لر ایسه مالیه وزیری نینگ مجلسگه استیضاح قیلیش تصمیمی دن واز کیچگن ملت وکیللرنی تنقید آستیده آلدیلر.

داکتر ظهیر سعادت پنجشیر ملت وکیلی:

" اداری مجلسده گی لست یوزه گه چیقیشی کیره ک ایمس ایدی. ایندی که یوزه گه چیقگن مین جرئت بیلن ایته من استیضاح اوچون امضا قیلگن من ینه هم قیله من و بیر نفر قالگینچه اوز تصمیم گه توخته گن من. اداری هیئت دن ایسته گیم شو کی، مالیه وزیری نینگ استیضاح قیلیش تصمیمیدن واز کیچگن لر روی خطی نی یوزه گه چیقرسین. شو نینگ دیک ایچکی ایشلر وزیری نینگ مسئله سی ده گی لست نی هم شونده ی قیلسین."

شونده ی بیرحالده اولوسی جرگه رییسی عبدالرووف ابراهیمی هم مالیه وزیری نینگ استیضاح قیلیش روی خطی ییترلی ایمس ایکن لیگی نی ایتیب بو توغری ده ینه سعی قیلیش نی ناتوغری دیب اورغوله دی.

" باش قانون اساسیده مجلس نینگ 20 فایزی تصمیم آلیشی بیلن، کابینه نینگ هر بیر وزیرینی استیضاح قیلیش حقیگه ایگه. شو قانون گه بنأ بو 20 فایز حاضر تکمیل ایمس. هر ایککله وزیرلر 50 امضا دن پسگه توشگن. شو اوچون بیز استیضاح قیله آلمه یمیز."

خود شو مسئله اعلام بولیشی بیلن، بیر قنچه ملت وکیل لر غضبلنیب قالدیلر.

اولوسی جرگه ده بو قره مه قرشیلیک لر، افغانستان مالیه وزیری، بیر قنچه ملت وکیل لر مخدره ماده لر قاچاقیگه قوللری بارلیگی ادعاسینی یولگه قوییشی بیلن یوزه گه چیقدی.

باشقه تماندن ینه بیر قنچه ملت وکیللر، کیم لرنی قاچاققه قولی بولسه زودلیکگه افشا بولیشی نی ایسته دیلر.

زاخیلوال نینگ مذکور سوزلریدن آلدین، ایچکی ایشلر وزیری مجتبی پتنگ هم بیر ایککی هفته آلدین افغانستان ملی خوف سیزلیک کینگاشیده پارلمان اعضا لری اونینگ ایشلریگه اره لشه دیلر دیب ادعا قیلگن ایدی.

اما اولوسی جرگه رییسی بو مسئله نینگ یخشی شکلده حل قیلیش و تیکشیریش اوچون ینگی بیر کمیته توزه لیشی اوستیده تاکید له گن.