کرزی: امریکا 9 حربی قرارگاه ایجاد ایتیشینی ایستیدی

افغانستان جمهورریسی حامدکرزی،بوکونکی ایراد ایتگن سوزلریده، امریکا قوشمه ایالت لری افغانستان نینگ توقیز ولایتیده حربی قرارگاه ایجاد ایتیشینی ایسته یاتگنینی معلوم قیلدی.

بو بیرینچی مرته دیرکه جمهورریس کرزی امریکالیک لرنینگ حربی قرارگاه قوریش باره سیده بوقدر اچیق سوز یوریته دی.

امریکا وافغانستان آره سیده امنیتی پیمان امضالش اوچون آلیب باریله یاتگن مذاکره لر حساس ونازک بیر مرحله

گخ ایتیشگن. چونکی افغانستان جمهورریسی حامدکرزی مذاکره لر دوام ایتیب کیله یاتگنینی اورغولب، امریکا لیک لرقیسی ولایت لرده حربی تاسیسات ایجاد ایتیشینی ایسته یاتگنینی بیرینچی بار اچیق شکلده تیلگه آلدی:"امریکالیک لراافغانستانده توقیز حربی تاسیسات قوریشینی ایستیدی، کابل ، بگرام، مزار، جلال اباد، گردیز، قندهار ، هلمند شندند و هرات ده، اولرنینگ میلادی 2014 ییلدن سونگ افغانستانده قالیش لری اوچون بیزنینگ شرایطی میز شو کی امریکا افغانستانده امنیت کیتریش اوچون سعی قیلسین افغانستان امنیتی کوچلرینی یخشی جهازلنترسین، حکومتدارلیکنی کوچیتریش، افغانستان اقتصادی اوچون مهم بولگن سوو برق کبی توغانلرنی قوریش برنامه لریگه اساسی همکارلیک قیلسین، شوندی ایشلرنی قیلماچقی بولسه بیز امریکا بیلن استراتیزیک امنیتی پیمانننی امضاله شی میز ممکن دیدی کرزی جنابلری."

شونینگ دیک جمهورریس کرزی، ناتو چوکاتیده فعالیت آلیب باریاتگن ایریم مملکت لرهم افغانستانده قالیش تکلیفلرینی الغه سوره یاتگنینی تیلگه آلیب اولرنینگ قندی شرایط لرگه ماس قالیش لری حقیده شوندی دیدی:"ناتو بیلن عمومی بیر معمامله قیلشی میز ممکن لیکن ناتو چوکاتیده بولگن هربیرمملکت بیلن مستقل معمامله قیلیشی میز شرط، اولر ، قندی شرایط بیلن فغانستان نینگ قندی منفعتی اساسیده قیسی منطقه لریده قاله دیلر. حربی عسکلری سانی قنچه بوله دی ملکی فعالیت لری ویاردملری نیمه لردن عبارت بولگن بو هم اساسی مذاکره میزدن بیری."

افغانستان وامریکا آره سیده امضاله نیشی کوتیله یاتگن امنیتی پیمانده قنچه امریکالیک کوچلرنینگ افغانستانده قالیشی و اولرنینگ فعالیت لری نیمه لردن عبارت بولیشی انیق له نیشی ممکن.

شونگه علاوه او، افغانستان نینگ جهان بیلن علاقه لری یخشی بولگنینی ایتیب ، بیراق پاکستان افغانستان اره سیده گی علاقه لر حساس بیر مرحله گه ایلنگنینی تیلگه آلدی.

بوندن الدین افغانستان جمهورریسی حامدکرزی پاکستان حربی لری نینگ ننگرهار ولایتی گوشته تومنیده هجوم قیلگنینی قیتغ قاره لب، پاکستان نینگ بوهجومیدن اساسی مقصد، دیورند خطینی رسمیتگه تانیش اوچون بولگنینی ایتگندی، لیکن او هیچ بیرزمان دیورند خطی رسمیت گه تانیلمسلیگینی تاکیدله دی.