سیلاو لر قانونی نینگ ینه اوچ بندی تصدیق لندی

اوشبو بند لر تصدیق له نیشی شهردارلیک، عالی اوقو یورت لر و علم لراکادمی سی نینگ استاد لری همده اولوسی جرگه و ولایتی کینگاش اعضالری نینگ سیلاو لرگه نامزد ایتیش معیارلرینی انیق لنتیردی.

عالی اوقو درگاهی یا علم لر اکادمی سی نینگ استاد لریدن بیری سیلاولرگه نامزد قیلیشدن سونگ اوز وظیفه سیدن استعفا بیریش یا بیرمسلیگی افغانستان پارلمان نینگ بوگون گی ییغینیده قیزیق بحث لرگه سبب بولدی.

هرچند افغانستان حکومتی تمانیدن پارلمانگه یوباریلگن قانون لایحه سیده سیلاو لرگه نامزد ایتگنیدن سونگ دولت اداره لریده ایش الیب باره یاتگن شخصلر وظیفه لریدن استعفا بیریشی حتمی دییلگن.

عالی بیلیم یورت لرده استاد لرنینگ آزلیگی همده قیته دن استاد بولیش جریانی نینگ قیین لیگی ایسه استاد لرنینگ سیلاو لرگه نامزد قیلگنیدن سونگ هم اوز ایش لرینی دوام بیریشی کیره ک ایکنی بیرقنچه ملت وکیل لری تمانیدن تأکیدلندی.

لیکن باشقه بیرقطار ملت وکیل لرایسه هر بیراستاد نینگ سیلاو لرجریانیده اوز وظیفه لریدن ناتوغری فایده لش ، طلبه لردن اوز منفعتیگه فایده له نیش، همده حکومت نینگ صلاحیت و امکانیت لریدن ناتوغری فایده له نیشیلری اوچون خواطربیلدیریلر.اما کوپ جنجللردن سونگ استاد لر نامزد لیگینی ایلگری سورگنیدن سونگ اوز وظیفه لریدن استعفا بیریشی فیصله ایتیلدی.

عین دمده اولوسی جرگه همده ولایتی کینگاش اعضالری عیناً شو لوازملرگه نامزد ایتگن تقدیرده، اولرنینگ استعفا بیرمسلیگی همده باشقه پست لر گه نامزد ایتیشی لریگه اوزوظیفه لریدن استعفا بیریشی لری اولوسی جرگه اعضالری تمانیدن تصدیق لندی.

شونینگ دیک اولوسی جرگه وکیللری بلدیه ریاستیگه نامزد ایتیش موضوع سینی هم مباحثه ایتییب بلدیه باشلیغی صفتیده نامزد ایتگن شخص نینگ 5 ییل مذکور شهرده حیات اوتکزگنی اساسی شرط لردن بیری صفتیده قبول قیلیندی.

سیلاولر قانون لایحه سی نیچه آی دن بویان اولوسی جرگه ده مباحثه ایتیلیب کیلماقده.لیکن حاضرگه قدرهم قانون لایحه سینی تولیق شکلده تصدیق لنمه گن ایریم خواطرلرگه سبب بولگن.