طالبان تورت ترکیه ليك ني قوييب یوباردی

طالبان گروهی بوندن الدین گروگه آلگن سککیز ترکیه لیکدن تورته سینی قویب یوبارگن همده طالبان گروهی باشقه تورت ترکیه لیکنی قویب باریلیشینی معلوم قیلگنلر، ایککی اکراین لیک و بیر افغان ترجمان نینگ تقدیری بیللی ایمس.

بوندن قریب ییگرمه کون آلدین، ملکی بیر اوچاق لوگر ولایتی نینگ ازره تومنیده شاشیلیب توشگنی باعث اوچاقده بولگن شخص لر طالبان قولیگه توشگن .

لوگر ناتینچ ولایت لردن بیری بولیب پایتخت کابل نینگ 50 کیلومتر اوزاق لیگیده جایلشگن.

طالبان گروهی بیر بیانات ترقه تیب باشقه تورت ترکیه لیکنی هم قویب یوباریشینی ایتگن، اما ایکی اکراین وطنداشی وبیرافغاننی تقدیری بیللی ایمس.

ترکیه باش وزیری تورت ترکیه وطن داشی قویب یوباریلگنینی تصدیق له گن شونینگ دیک ترکیه باش وزیری رجب طیب اردوغان، ترکیه لیک لر اوشبو مملکت نینگ اطلاعات سازمانی یاردمی بیلن آزاد ایتیلگنینی اورغوله گن.

اما طالبان گروهی اوز بیاناتیده ترکیه وطنداشلری " ترکیه مسلمانلریدن مندارچیلیک" بیلدیریش اوچون قویب یوبارگن لرینی ایتیب باشقه تورت ترکیه لیکنی هم یقینده قوییب یوباریلیشدن خبربیرگن.

شونینگ دیک خبرنامه ده، طالبان گروهی مذکور ترکیه لیک لرنی قویب یوباریلیشی ترکیه وطنداشلری تمانیدن خوش قرشی له نیشینی ایتگن.

بوندن آلدین طالبان گروهی اوغیرلنگن شخصلرنی امریکالیک حربیلری بولگنینی ایتگندی. شونینگ دیک لوگر ولایتی مقاملری گروگه الینگن شخصلر ننگرهار ولایتی نینگ حصار تومنیده انتقال بیریلگگنیدن خبربیرگن ایدی.

ترکیه نینگ 1098 حربیسی ناتو چوکاتیده افغانستانده فعالیت آلیب بارماقده، مذکور کوچلرنینگ اکثریتی پایتخت کابلده جایلشگن.