امریکا دیپلماتی، کرزی نینگ حربی قرارگاه قوریش باره سیده گی سوزلرینی ردایتدی

Image caption هوگو لورنز افغانستان جمهور رئیسی نینگ 9 حربی قرارگاه قوریش خصوصده کی سوز لرینی رد ایتدی.

امریکا نینگ افغانستان ده کی ایلچی اورین باسری هوگو لورینز، حامد کرزی نینگ حربی قرارگاه حقیده ایتگن سوز لری ناتوغری دیب ایتکن. افغانستان جمهور رئیسی حامد کرزی امریکا لیک لر افغانستان ده 9 حربی قرارگاه قوریشلرینی طلب قیلگنینی اوتکن هفته ایتکن ایدی. جناب لورینز، امریکا لیک لرافغانستان نینگ انیق منطقه لریده بیرنیچه حربی قرارگاه قوریش خصوصده صحبت لشمه گن دیب معلوم قیلگن بی بی سی بیلن قیلگن مخصوص صحبتده جناب لورینزامریکا لیکلر افغانستان نینگ استگی بیلن مملکت ده قالیش لری ممکن دیب بیلدرگن . اورین باسرگه کوره ، افغان حربی کوچلرینی تیارگرلیک لردن اوتکزیش و حربی مساله لر بویچه مصلحت بیریش امریکا لیک لرنینگ اساسی وظیفه سی بولگنینی تاکید له گن .

"بو ناتوغری بیر خبر.بیز افغانستانده دایمی حربی قرارگاه لرنی قورشگه نیتی میز یوق. ایکی اولکه آره سیده گی خوف سیزلیک پیمانیده بیز امریکالیک کوچلرنینگ ماموریت لری باره سیده مذاکره قیلیب میز.بو صحبت لراینقسه 2014 ییلدن سونگ امریکا لیکرنینگ افغانستان ده کی اورنی باره سیده بولگن." دیب ایتکن هوگو لورینز. لورنز جنابلریگه کوره امریکالیکلر افغانستانده فقط افغانلرنینگ استگی اساسیده قاله دی خلاص. امریکا و اتفاق کوچلرنینگ ماموریتی 2014 ییلدن سونگ نهایه تاپه دی. یقینده ایکی مملکت آره سیده استراتیژیک کیلیشوو هم امضا له نیشی کوتلماقده.بو قرار هم امریکا و هم افغانستان منفعتی اوچون امضا له نیشی کوتله دی. اما افغانستان حکومتی لورنز جنابلری تمانیدن اظهار ایتلگن ینگی بیاناتگه مناسبت بیلدرمه گن. جمهور رئیس لیک سرای سوزچی سی موجود بولگن معلومات لرنی اهالی بیلن اورتاق لشگنینی تاکید له گن .