بدخشان ده، قوراللي مخالفلربیرنیچه قشلاق نظارتینی قولگه کیرتگن

Image caption بدخشان ولایتی اطرافی سونگی وقتلرده ناقرارلیکلرگه گواه بولیب کیلماقده.

بدخشان ولایتي محل رسمیلریگه کوره، وردوج تومنیده افغان خوفسيزليك کوچلري و طالبان ارا یوزبیرگن اوچ ساعت لیک توقنه شوو نتيجه سيده کمیده 5 طالب هلاک بوليب، نيچه ته سي يره لنگن.

وردوج تومنی حاکمی دولت محمد خاورنينگ بی بی سی گه ايتيشيچه، مذکور توقنه شوو خوج اتلگن منطقه ده یوزبیرگن واونينگ جریانيده اوچ محلی پولیس هم تن جراحتي آلگن.

عین دمده، اوزینی طالبان سوزچیسی دیب تنیشتیرگن ذبیح الله مجاهد، ایریم اخبارات واسطه لري بیلن باغله نيب، یوزبیرگن توقنه شولرجریانیده کمیده 6 محلی پولیس هلاک بوليب، باشقه 4 محلی پولیس هم یره لنگني ادعا قيلگن. اونگه كوره، طالبان تمانيدن ايسه بيرنفر اوليب، ايكي كيشي جراحتلنگن.

بوندن آلدین، وردوج تومنی ده طالبان کوچلري کینگ فعاليت آليب باره ياتگنليگي ايتيلردي. شوسببدن افغان خوفسيزليك کوچلري اولرگه قرشی حربی عملیات لرنی یولگه قویيب، مذکور تومن نینگ برچه حدود لری طالبان گروهی تصرفيدن تازه لنگني ادعا قيلينماقده.

اما خاور جنابلری نینگ بی بی سی گه بیرگن معلومات لریگه کوره، طالبان کوچلری وردوج تومنیده قیته دن کوچه یب، مذكور تومن نینگ قریب 11 قيشلاغي نی اوز نظارتیگه آلگني، اهالي آره سيده تشويش توغديرگن.

او، ملی اردو کوچلری تمانیدن يولگه قوييلگن بیرحربی عملیات ده طالبان گروهی گه آغیر تلفات لر يیتکزيليب، کوپلپ قيشلاقلر اولرنظارتیدن آزاد ایتیلگن ايدي، هرچند ملی اردو کوچلري نینگ بیرکنده گي اوشبو تومن ده موجود، اما طالبان قیته دن کوچه ييب، قریب 11 قيشلاق نی اوز نظارتيگه آلگني، قطار تشویش لرنی توغدیرگن دييدي.

حاضر تا غلرگه یاغگن قارلر ییریب یول لر آچیلگن، اگرده حکومت اولرنینگ نابودایتيش اوچون عملیات یولگه قویمه سه، ینه اوشبو محل تينچ سيزبوليشي ممكن دیيدی خاور جنابلری.

"رسمی معلومات لرگه کوره، وردوج تومنی ده طالبان کوچلري نینگ قریب 300 نفري جايلشگن بوليب، اولرنينگ ایچیده اوزبیکستان اسلامی حرکتي اعضالری شامل باشقه بیرقطارچیت ایلیک لر بارلیگی هم رسمیلر تمانیدن تاكيدلنگن.

اما افغانستان ایچکی ایشلر وزیرلیگی سوزچیسی صدیق صدیقی، طالبان نینگ وردوج تومنیده قیته دن فعال بولگني حقيده گي خبرنی رد ایتیب، مذکور تومن نینگ بیرار بیرقيشلاغی هم طالبان نظارتیگه اوتمه گني ني ايتگن.

ایتیلیشچه، وردوج تومنی بوندن مقدم طالبان نینگ اینگ فعال مركزي حسابلنردي، شو مسله باعث، امنیتی کوچلر مذکور محللردن طالبان نی یوقاتیش اوچون بير نیچه مرته حربی عملیات لرنی یولگه قوییشگندی، اما ایریملر اوشبو عملیات لر طالبان نی مذكور محللردن هيد ه ب چيقه ريش همده تینچ لیک ني دييرلي تامينلش، هيچ قنده ي ثمره بيرمه گني ني ادعا قيلگنلر.