یونسکو رییسی: کوچلی پیام بیلن افغانستانگه کیلدیم

بیرلشگن ملتلر تشکیلاتی نینگ علمی ـ فرهنگی وتعلیم بویيچه اداره سي باشلیغی خانم ايرونا بكوا، کوچلی بیر پیام بیلن کابلگه سفر قیلگنینی اورغولب، هربیر قیز وافغان باله لری نینگ مکتبگه باریشلری اوچون جدی سعی و حركت آليب باريش وعده سینی بیرگن.

خانم بکوه شونینگدیک، نیچه ییل جریانیده افغانستان تعلیم ساحه سیده کوزگه کورنرلی درجه ده اوزگریش کیلگنینی تیلگه آلیب، بیراق 3 مینگ باله حاضرگه قدرهم مکتب باریشگه قادر بوله آلمه گنینی ایتدی.

یونسکو اداره سی نینگ باش رییسی خانم ایرونا بوکوا، کابلده گی مکتبلردن بیری نی یقنیدن کوزه تیب، اوشبو مکتب یخشی امکانیتگه ایگه ايكني، تعلیم بولیمیده عملگه آشيريلگن اوزگریشلرني اساسی دلیل دیب توصيفله دی.

اوشونینگ دیک، افغانستان بویلب تعلیم نی یخشیلشتریش اوچون جدی حرکتلر یولگه قوییلیشی ضرور لیگنی علحيده تاکیدله دی.يونسكو اداره سي باش رييسي، کوچلی بیر پیام بیلن افغانستانگه سفر قیلگنینی ایتدي:"مین کوچلی بیر پیام بیلن بوییرگه کیلدیم، بیرلشگن ملتلر تشکیلاتی نینگ علمی، فرهنگی و تعلیم بویيچه رییسي صفتیده، بحران دن چیقیش اوچون سیزلرنينگ اولکه لریز يعني افغانستانگه كته و اميدوارليك وعده بيره مير. بیز ایسته يمیز كه هر بیر قیز و اوغیل باله، مکتب باریشگه قادر بولسین، شونینگ دیک هر بیر قیز اوغیل باله اوز استعداد لرینی کوچه یتریش امکانیگه ایگه بولسین، و کیله جکده وکیل مدافع، شفاکار انجنیر بولیب، بو آرقه لی مملکت ترقیاتی وعایله سیگه یاردمچی بولسین دیيدی او."

یونسکو اداره سی نینگ رییسی، حاضرگي شرایطده دنیا بویلب 63 میلیون وافغانستانده 3 میلیون باله مکتب باریشدن محروم ايكنيني تیلگه آلدی.

باشقه تماندن خانم بکوه، افغانستان ملی بودجه سی نینگ اون بیش فایزی هرییلی تعلیم بولمیگه اجره تیله یاتگنینی اورغولب، بیراق اوشبو بودجه وي قيینچلیک لرگه قره گنده، يیترلی ايمسليگي ني تاکیدله دی.

شونینگ دیک او، بودجه ميزاني آشيريليشي کیره ک لیگی باره سيده تاكيدله دي.

عين حالده، افغانستان معارف وزیری فاروق وردک اجره تیلگن بودجه يیترلی بولمه گنینی تن آلدي، لیکن دنیا جماعه چیلیگی نینگ یاردم لری کوپیشیگه امیدوار لیک بیلدیردي:"معارف رواجلنتریش برنامه لرینی عملی قیلیش اوچون دولت بودجه سی قانیقرلی ایمس، لیکن بیز دنيا بیلن یخشی علاقه لرنی ايجاد ايتگن میز، همده معارف وزیرلیگی چوکاتیده ظرفیتلر يوكسلتيريلگن. موجود قيینچیلیک لرنی حل ايتيش اوچون جدی حركت قیله میز"، دیيدی افغانستان معارف وزیری فاروق وردک.

اون بیرییل ايچيده، دنیا جماعه چیلیگی و یونسکو اداره سی نینگ مالی یاردمی بیلن قطار اوزگریشلرعملگه آشيريلگن. اما چیککه حدودلرده حاضرگه قدرهم اوقووچيلر گه آچیق هوا و چادرلرآستیده درس بيريله ياتگني و مکتب لرده تدريس قيلينه ديگن درسلیکلر معياري بولمه گنی، اساسی معما صفتيده قيد ايتيله ياتگني ايتيله دي.