بغلان ولایتی کینگاش رییسی انتحاری هجومده هلاک بولدی

Image caption محسنی جنابلری، ایشخانه سیگه کیریب باره یاتگن پیتی انتحارچی تمانیدن نشانگه آلینگن.

بغلان ولایتی نینگ ولایت حاکمی سوزچیسی گه کوره، بغلان ولایتی نینگ ولایتی کینگاش بناسی مقابلیده یوزبیرگن انتحاری هجومده ، ولایتی کینگاش رییسی و باشقه 12 نفر قربان بولگن. همده توقیزکیشی هم یره لنگن.

سوزچی نینگ ایتیشیچه، ولایتی کینگاش رییسی محمد رسول محسنی جنابلری، یولداشلری بیلن بیرگه ایش خانه سیگه کیریب باره یاتگن بیرپیت اونینگ ایش خانه سی مقابلیده پارتلش یوزبیرگن. حادثه پلخمری شهریده یوزبیرگن.

بغلان ولایتی نینگ مرکزی کسلخانه منبع لریدن بیری، اون بیر جسد و یره لنگن آلتی کیشی اوشبو کسلخانه گه آلیب کیلینگنینی معلوم قیلگن.

ایریم ولایتی کینگاش اعضالری هم هلاک بولگن لر اره سیده موجود لیگی ایتیلگن.

حادثه نی یقیندن کوزه تگن شخصلردن بیری بی بی سی بیلن بولگن صحبتیده قربان لرنینگ اکثریتی تینچ فقرا بولگنینی ایتگن.

طالبان گروهی حادثه مسوولیتینی اوز بوینیگه آلگن. بغلان ولایتی نینگ ایریم تومنلریده طالبان عصیانچیلری انچه فعال بولگنی ایتیله دی.