سابق جهادیلر: ینگی حاکم تخار ولایتده تعین ایتلسین

Image caption سابق جهادی قوماندانلر تخار ولایتیده بیر یغین اوتکزیب بیرهفته ایچیده تخار حاکمی وینگی تعین ایتلگن امنیه قوماندانی اورنیده باشقه شخصلر تعین اتیلیشینی مرکزی حکومت طلب قیلگن.

بوگون اونلب سابق جهادی قوماندانلر تخار ولایتیده بیر یغین اوتکزیب بیرهفته ایچیده تخار حاکمی وینگی تعین ایتلگن امنیه قوماندانی اورنیده باشقه شخصلر تعین اتیلیشینی مرکزی حکومت طلب قیلگن. شونینگ دیدیک بوکونگی یغینده اشتراک ایتگن شخصلر بیرقطع نامه صادر ایتیب، اگرده دولت اولرنینگ ایستک لری گه اعتبار بیرمه سه کینگ ناراضیلیک نمایش یولگه قویشلری بیلن اگاه لنتیرگن. ینگیدن پلیس باشلیغی صفتیده تعین ایتلگن حاجی آغا گل قطغنی و تخار حاکمی سابق جهادی قوماندانلردن بولگن، بوندن آلدین حاضرمخالفت گه چیققن جهادی قوماندانلر؛ حاکم و حاج آغاگل آره سیده علاقه لر یخشی ایدی، لیکن تخار ولایتی نینگ الدینکی پلیس باشلیغی خیر محمد تیمور وظیفه سیدن چیتلنتریلگنیدن سونگ سابق جهادی قوماندانلر اره سیده قرمه قرشیلیک لرپیدا بولگن . بوگون تخارده یوزلب اهالی و سابق جهادی قوماندانلر اشتراکی بیلن بیر یغین اوتکزیلیب تخار حاکمی و پلیس باشلیغی اورنیده باشقه شخصلر تعین ایتیلیشی طلب قیلینگن، سابق جهادی قوماندانلردن پیر محمد خاکسار قرمه قرشلیک لرگه سبب نیمه بولگنی باره سیده شوندی دیدی:" قرمه قرشلیک لر شوندن پیدا بولدی کی، تخار حاکمی و باشقه یوقاری مرتبه لی لوازملر اوز یقینلرینی مهم اداره لرده جایلشتیرگن، بیز عدالت و ملی مشارکت ایستمیز، اولرنی ایسته می میز مرکزی حکومت باشقه هرکیمنی تعین ایتسه بیز قبول قیله میز." عینی حالده یغین اشتراک چیلری بیر قطع نامه هم صادر ایتگن اوشبو یغینده حصصه قوشگن عبدالواحید حمیدی، یغینده یککه قوماندانلر ایمس بلکه یوزلب اهالی اشتراک ایتگنینی تیلگه آلیب بوحقده شوندی دیدی:" بوکونی یغیلیش ده اونلب جهادی قوماندانلر اشتراک ایتگندی، اولر قطع نامه صادر ایتیب ایستک لری عملی بولمه سه جدی راق حرکت قیلیشلرینی ایتدی. بیزهم اولرنینگ فکرینی قوللب قوتلی میز تخارده زیچ اوزبیک لر یشیدی لیکن، دولتی اداره لرنینگ مهم چوکی لریده اولر کوزگه کورینمیدی." سوزگه چیققن سابق جهادی قوماندانلردن بیری پریم قل ضیای اگرده دولت اولرنینگ طلب لریگه اعتبار بیرمه سه مرکزی حکومت بیلن علاقه لرینی کیسیب قویشی بیلن اگاه لنتیرگن. شونینگدیک باشقه جهادی قوماندانلرهم بیر سوز بیلن پریم قل صحبت لرینی تصدیق لب اونینگ فکریدن حمایت بیلدیریشلرینی ایتگنلر. بیز بو حقده تخار ولایتی حاکمی فیصل بیکزاد نینگ فکرینی اورگه نیشگه حرکت قیلدیک لیکن او بیلن صحبت قیلیشگه قادر بولمه دیک. بوندن نیچه کون آلدین تخار ولایتی نینگ سابق پلیس باشلیغی خیر محمد تیمور وظیفه سیدن چیتلنتریلیب اونینگ اورنیده تالقان شهری نینگ سابق بلدیه باشلیغی پلیس قوماندانی صفتیده تعین ایتلدی. اهالی ینگی پلیس قوماندانیگه قرشی لیک بیلدیریب ایکی کون ناراضیلیک نمایش یولگه قوییب تخار و بدخشان یولینی هم بیرکون یاپیب قویدیلر. نمایشچیلر ینگیدن تعین ایتلگن پلیس باشلیغینی فسادگه قولی بارلیگیگه عیبله گندی، لیکن تخار ولایتی نینگ ولایت حاکمی اهالی ادعا لرینی رد ایتیب نمایش، خیر محمد تیمور طرفدارلری تمانیدن یولگه قویلگن لیگینی ایتگندی. حاضرگی کونده بومسله سیاسی له شیب تخارده گی جهادی قوماندانلر آره سیده جدی قرمه قرشی لیکلرنی توغدیرگن.