کابلده یوزبیرگن گروهی هجومده بیر پلیس ایکی تینچ فقرا قربان بولگن

افغانستان ایچکی ایشلر وزیرلیگی، اوتگن کون یوزبیرگن گروهی هجوم نتیجه سیده بیر پلیس و ایکی تینچ فقرا قربان بولیب و 17 کیشی یره لنگنینی معلوم قیلدی، رسمیلرگه کوره يره لنگلردن یتتی نفري خارجي فقرا بولگنلر.

ایچکی ایشلر وزیرلیگی سوزچیسی صدیق صدیقی، یره لنگن یتتی خارجی بیرلشگن ملتلر تشکیلاتی نینگ، مهاجرلر بویچه اداره سی نینگ ایشچیلر بولگنینی اورغوله دی.

اونگه کوره، اولردن بیری بیر ایتیالیک خانم باشقه قالگنی نیپال لیک لر بولگن. نیپال لیک لر ایسه بیرلشگن ملت لرتشکیلاتی نینگ مهاجرت اداره سیگه قوریقچی صفتیده فعالیت آلیب باررایکن.

جمعه كوني كيچقرون بير گروه خودكش هجومچي شخصلر بيرلشگن ملتلر تشكيلاتي نينگ مهاجرلر بوييچه اداره سي ني نشانگه آلگنلر.

حادثه محلي دن كيچه ساعت 11 گچه اوق اوزيش سيسي ايشيتيلگن.

كيچقرون ساعت تورت ده كابل شهري مركزيده كوچلي پارتلش يوز بيردي، كيينچه ليك بيرگروه خودكش هجومچي كابل شهري نينگ اوچينچي ناحيه سيده بي مي تي تشكيلاتي نينگ اداره لريدن بيريگه هجوم قيلگنلر.

ایچکی ایشلر وزیرلیگی، هجومچی لر بیش کیشی بولگنینی معلوم قیلدی.

اوشبو اداره افغانستان ايچكي ايشلروزيرليگي يقينيده جايلشگن. ملالي توغريق شفاخانه سي، ملي خوفسيزليككه تيگيشلي شفاخانه وباشقه مهم اداره لر، مذكور محل ده جايلشگن.

طالبان سوزچيسي ذبيح الله مجاهد بي بي سي بيلن قيلگن صحبتيده اوشبو حادثه مسووليتي ني اوز بويينيگه آلدي.

شونينگ ديك طالبان تمانيدن ترقه تیلگن اعلاميه ده، اوشبو هجومدن مقصد، (سيا) امريكا استخبارات تشكيلاتي گه تيگيشلي بولگن اداره لردن بيري بولگني معلوم قيلينگن.

بيرينچي پارتلش دن سونگ، خوفسيزليك كوچلري و هجومچيلر ارا آتيشمه روي بيردي.

اوشبو توقنه شوو كيچه ساعت 11 گچه دوام ايتديريليب، اوشبو مدت ده كوچلي پارتلشلر يوز بيريب، كابل نی لرزه گه سالدي.

كابل امنيه قومانداني ايوب سالنگي، هجوم باشلنگن چاغده، اوني بير تشكيللشتيريلگن اوته مركب هجوم ديب توصيفله دي.

خوفسيزليك مسووللري، هجوم باشلنگن پيت، بيش خودكش هجومچي بي مي تي تشكيلاتي گه تيگيشلي اداره لردن بيريگه كيريب آلگني ني ايتگنلر.

نهايت ايچكي ايشلروزيرليگي سوزچيسي صديق صديقي، كيچه ساعت 10 يريم اطرافيده برچه هجومچيلر نابود قيلينيب، آتيشمه اوز نهايه سيگه ييتگني ني اعلان قيلدي.

شونینگ دیک بوگون هم کابل شهری نینگ سککیزنچیسی ناحیه سیده بیر انتحاری هجوم یوزبیردی، اوشبو هجومده فقط انتحارچی هلاک بولدی. افغانستان ایچکی ایشلر وزیرلیگی صدیق صدیقی، هجومچی اهالی همکارلیگی بیلن انیق له نیب امنیتی کوچلر تمانیدن نشانگه آلینگنینی تاکیدله دی.

ايكي هفته آلدين بير خودكش هجومچي پارتلاوچي ماده دن توله بولگن موتريني كابل شهري نينگ شاه شهيد منطقه سيده خارجي لرنينگ كرواني گه قرشي پارتله تيب يوبارگن ايدي.

مذكور هجومده كميده 12 كيشي جمله دن ايكي خارجي عسكر و ناتو نينگ تورت نفر نا دولت خادمي هلاك بولگن.

ايكي هفته آلدين اويوشتيريلگن هجوم مسووليتي ني گلبيدن حكمتيار رهبرليگي ده گي اسلامي حزب تن آلدي.