بيريتانياليك كوچلر افغانستان اهاليسي ني ناقانوني حبسگه آليشگه قول اورگنلر

بي بي سي گه ييتيب كيلگن حجتلر گه كوره، افغانستان فقراسيدن كميده 85 ته سي اوشبو كوچلر نينگ هلمند ده گي باستيون قماقخانه سيده قماق حزاسيني اوتکزماقده لر.

اوشبو گزارش آرتيدن، بيريتانيا مدافعه وزيري فيليپ هاموند، باستيون قماقخانه سيده كميده 90 نفر افغانستان ليك حبسگه آلينگن آلينگنليگي ني تصديقلب، اوشبو ايش خوفسيزليك مسله لر باعث، عملگه آشيريليب، موضوع بيريتانيا پارلماني گه هم ييتكزيلگني ني ايتگن.

اوشبو محبوسلردن سكيزته سي نينگ مدافعه وكيللري گه كوره، اولرنينگ موكيللري تورت آي گچه رسمي عيبلاو صادر ايتيلمسدن ناقانوني حبس جزاسي اوته گنلر. اولر نينگ مدافعه وكيللري محبوسلرنينگ قماقخانه ده گي وضعيتي ني گووانتامو قماقخانه سيگه تقاسلب، بيريتانيا محكمه سيدن اوشبو وضعيت گه پايان بيريليشي ني سوره گنلر.

هلمند ولايتي بيريتانيا كوچلري نينگ افغانستان ده گي يگانه مركزي حسابلنه دي و باستيون قرارگاهي اولرنينگ اينگ كته حربي مركز سنه له دي.

بيريتانيا كوچلري افغانستانده گي خلق ارا كوچلر نينگ بير بوليمي بوليب، ناتو تمانيدن رهبرليك قيلينه دي.

آنها اجازه دارند افراد مظنون را برای مدتی بیشتر از 96 ساعت در بازداشت نگهدارند و بعد از آن این افراد یا باید آزاد شوند و یا هم به مقامات افغان تحویل داده شوند

اولر شبهه لي شخصلرني 96 ساعت دن زياد مدت ايچيده حبسگه آليشگه حقلي دير، كيينچه ليك ايسه اوشبو شخصلر يا قوييب يوباريلسه ويا هم افغان خوفسيزليك كوچلري گه تاپشيريليشي كيره ك بوله دي.

اما اوتگن نومبر آيي دن بويان، محبوسلر بيلن قوپال يانده شوولر باعث، اولرني افغان حكومتيگه تسليم بيريش جرياني چيكلنتيريلگن.

براساس مدارکی که بی‌بی‌سی در اختیار دارد، بازداشتیان افغان در زندان‌های موقت در این اردوگاه محبوس هستند.

بيريتاينا مدافعه وزيرليگي نينگ تاكيدلشيچه، بيرلشگن ملتلر تشكيلاتي نينگ افغانستان گه خوفسيزليك ني تامينلش اوچون كوچ جونه تيش دستوريگه بنآ، حقوقي نقطه ء نظردن اوشبو كوچلر شبهه لي شخصلرني حبسگه آليش حقوقي گه ايگه بوليب، بو خصوصده هيچ قتده ي ناقانوني فعاليت عملگه آشيريلمه گن.

مدافعه وزيرليگي نينگ حقوق فعاللري گه كوره، بيريتانيا كوچلري آيساف كوچلري نينگ بيربوليمي صفتيده، اوشبو كوچلر همده افغانستان اهاليسي گه خوف ييتكزه ديگن شخصلر ني 96 ساعت حبسگه آليش گه حقلي دير.

بوندن آلدين هم، مدافعه وزيرليگي، آيساف كوچلري افغانستان ده شخصلرني حبسگه صلايحيتيگه ايگه ايمسليگي ني ايتگن ايدي. اما اوتگن ييل نوامبر آييده، بيريتانيا مدافعه وزيرليگي افغانستان تورمه لريده محبوسلر بيلن ناتوغري يانده شيليشي احتمالي دن قورقيب، اولرني افغان دولتي گه تسليم بيريشدن باش تارتگنلر.

شونگه قره مسدن، افغانستان مدافعه وزيرليگي سوزچيسي ظاهر اعظيمي، بيريتانيا كوچلري تمانيدن اوشبو ممكلت فقرالريني حبسگه آلينيشي ني ناقانوني ديب، اولر افغانستان دولتيگه تاپشيريليشي كيره كليگي باره سيده تاكيدله گن.

باستيون حربي قرارگاه ده گي محبوسلردن سكيز ته سي نينگ وكيل كدافعه لري بي بي سي گه، اولرنينگ موكل لري بيريتانيا كوچلري تمانيدن هلمند و قندهار ولايتلري نينگ قيشلاغلريده اوتكزگن عملياتلر جريانيده حبسگه آلينيب، 8 دن 14 آيگچه قماق جزاسي ني اوته گنليكلريني ايتگنلر.