کرزی: خارجیلر صلح جریانیگه اره لشماقچی بولسه لر، اولرنی رسوا ایته میز

افغانستان جمهورریسی حامدکرزی، صلح جریانیدن خارجیلر اوز منفتلرینی نظرده توتیش نیتیده بولگنینی اورغولب، اگرده اولر بوخصوصده ینه ده اره لشماقچی بولسه لر ، موضوع نی اهالی بیلن اورته گه قویب خارجیلرنی رسوا ایتیشی بیلن آگاه لنتیردی.

افغانستان جمهوررییسی حامدکرزی امریکا بیلن امنیتی پیمان امضالش خصوصیده افغانستان شرطلری نظرده توتیلمه سه پیمان بو مملکت منفعتیگه بولمه یشنی تاکیدله گن.

شونینگ دیک جمهوررییس، پیمان افغانستان منفعت لری نظرده توتیلمه سه، امریکا بیلن امضاله نیشی کوتیله یاتگن پیمان نتیجه سی گندمک ودیورند پیمانلردن کوره هم یمان بولیشی ممکن لیگی بیلن آگاه لنتیرگن.

قیشلاق لرنی رواجلنتریش کینگاش لری نینگ یوزلب وکیللری حضوریده افغانستان جمهورریسی حامدکرزی، امریکا بیلن اوزاق مدتلی استراتیژیک امنیتی پیمان امضاله نیشی باره سیده سوزیوریتدی. او بو پیماننی امضالش اوچون شاشیلمه یاتگنینی اورغوله دی. شونینگ دیک کرزی جنابلری، امریکا بیلن امنیتی پیمان امضالنگن حالده افغانستان شرط لری نظرده توتیلیشی کیره ک لیگینی تاکیدلب بوحقده شوندی دیدی:"اگر خارجیلر صلح برنامه لری خصوصیده بیزنینگ یولی میزگه کیتمه سلر ایستیمیز بیزنینگ یولی میزگه کیتسه لر، اوز منفعتلرینی هم نظرده توتسینلر، لیکن بیزنینگ منفتی میز هم نظرده توتیشلری شرط ، اگرده اولر بیزنینگ طلب لری میزنی نظرده توتمه ی، افغانستان خیریگه بولمه گن بیر یولنی تنلش گه حرکت قیلسه لر اوزمان اولرنی رسوا ایته میز."

صلح جریانی، امنیت نینگ تامین قیلیش و افغان حربیلرینی جهازلنتریش اوچون امریکا نینگ تولیق یاردم بیریشی الغه سوریلگن شرطلرنینگ اساسی قسمی بولگن. جمهورریس گه کوره خارجیلر صلح جریانیدن اوزمنفعت لری اوچون فایده لنماقچی.

باشقه تماندن کرزی جنابلری هرکونی یوزبیریب کیله یاتگن ناقرارلیک لرده ییگرمه اوتیز کیشی قربان بوله یاتگنینی تیلگه آلدی، اونگه کوره بو اوتگن اوچ یا ایککی ییلگه قره گنده تلفات لر نینگ کوپه ییب باره یاتگنینی کورسه ته دی.

عینی حالده جمهوررییس کرزی، قیشلاق لرنی رواجلنتریش شورا لر وکیللری نینگ فکر ملاحظه لرینی هم اورگندی . بیرقنچه خلق وکیللری اوز منطقه لریده قیته قوریش ایشلری یخشی شکلده عملی بولمه گنیدن شکایت قیلیب، حکومت نینگ بوخصوصده جدی اعتبار قره تیشینی طلب قیلدی.

افغانستان جمهورریسی حامدکرزی شورا لر وکیللری نینگ الغه سورگن تکلیف وتنقیدلری نظرده توتیلیش وعده سینی بیردی. افغانستان قیشلاق لرنی رواجلنتریش وزیرلیگی خلق تمانیدن سیلنگن شورالر، طلبی اساسیده، بیرقنچه کیچیک لایحه لرنی عملی قیلیب کیلماقده، هرچند بو برنامه ارقه عملی بولگن لایحه لردن خلق انچه راضی لیکن، ییریک پروژه لر عملی بولمه یاتگنی قیشلاق لرنی رواجلنتریش کینگاش وکیللری نینگ اساسی شکایت لریگه سبب بولگن.