فاریاب ده اونلب اوقووچی قیز زهرلنگن

Image caption فاریاب ولایتده حاضرگچه اوچه مرته قیزطلبه لر نینگ زهرلنگنی معلوم قیلنگن.

بوواقعه بو ولایت نینگ پشتونکوت تومنی نینگ جمشیدی قیشلاقیده گی قیزلرتعلیم آله دیگن مکتب ده یوزبیرگن.

فاریاب ولایتی نینگ ساغلیق نی سقلش ریاستی باشلیغی داکتر عبدالعلی حلیم، دستلبکی معلومات لرده زهرلنگن اوقووچی قیزلرسانی 75کیشی گه ییتگن لیگی نی ایتیب، تیزلیکده میمنه ده گی کسلخانه گه دوالش اوچون ییتکزیلگنی نی معلوم قیلدی. شونینگ دیک اونگه کوره کسلخانه گه کیلتیرگن لردن بیر قطارلری بیرینچی طبی خذمت کورسه تیلیشی بیلن اویلریگه جونه تیلیب وزهرلنگن لرسانی بورقمدن آشیش احتمالی نی هم بیلدیردی.

فاریاب کسلخانه سی نینگ ایریم داکتری زهرلنگن لرسانی 92کیشی گه ییتگن لیگی معلوم قیلماقده لر.

حلیم جنابلری، مکتب اوقووچیلری کوزلری دن یاش آقیب، سست لیک احوالگه توشیب وآزاد هوا گه احتیاجی آشیب نفس قیسمه بیلگی لری کوریلگنی نی تیل گه آلدی.

حلیم جنابلری بو قیزلر قنده ی بولیب بو احوال گه توشگن لیگی گه سبب مکتب محیطی ده کیمیاوی گازسیپیلگنیدن کیلیب چیققن بولیشی ممکن لیگی نی تاکیدله ماقده. بیراق، حاضرگه قدرهیچ کیم بو حادثه ده عیب له نیب، قولگه آلینمه گن.

پشتونکوت تومنیده یوزبیرگن بو واقعه بیلن اوچینچی زهرله نیش واقعه سی بوولایتده یوزبیره یاتگنی معلوم قیلینه دی.

بوندن بیرنیچه هفته آلدین هم فاریاب ولایتی نینگ شیرین تگاب تومنیده گی قیزلرمکتبی نینگ 100دن آرتیق اوقووچیسی زهرلنگن ایدی.

محلی رسمی لربو واقعه ده دولت مخالف لری نی مسوول دیب ایتگن ایدیلر.

مکتب قیزلری نینگ تیز- تیز زهرله نیش لری، بیرفاریاب ولایتی ده چیکله نیب قالمه گن. بلکه مملکت نینگ بیر قطار ولایت لریده بوجمله دن جوزجان، سرپل، تخار، پروان وکابل ولایت لریده هم شونگه اوخشش زهرله نیش واقعه لری یوزبیریب نتیجه ده ،یوزلب مکتب اوقووچی لری نینگ زهرله نیش لری گه سبب بولگن ایدی. بووضعیت ایسه فرزندلری مکتب ده تعلیم آله دیگن کوپلب عایله لرنی تشویش لریگه سبب بولیب کیلماقده.