تورکیه ده اعتراضلر دوام ایتماقده.

تورکیه ایچکی ایشلروزیرلیگی تورکیه ده ایککی کوندن بیری پولیس و اعتراضچیلر ارا یوز بیرگن توقنه شوولر عاقبتیده کمیده بیر مینگ نفر حبسگه آلینگنی نی ایتگن. خبرلرگه کوره، مذکور اعتراضلرده باشقه اونلب نفر

تن جراحتی آلگن.

اولا اوشبو توقنه شوولر استانبولده باشلنیب، حاضر تورکیه نینگ باشقه شهرلریگه، جمله دن ایزمیر، آنتالیا و قونیه گه هم ییتیب بارگن.

تورکیه رسمیلری نینگ ایتیشیچه، شنبه کونی کمیده 90 بار مملکت بویلب اعتراضلی نمایشلر عملگه آشیریلگن.

اعتراضچیلر باشله نیشده استانبول ده گزی اسملی بیر پارک ده تجاری بنالر قوریلیشی گه قرشی نمایش اویوشتیرگنلر، اما اوشبو نمایشلر کیینچه لیک سیاسی تورتکی نی اوزیگه آلگن.

عمومآ یاشلردن تشکیل ایتیلگن اعتارضچیلر، تورکیه دولتی نی مستبدلیک و مملکت نی اسلامیلشتیریشگه حرکت قیله یاتگنلیکده عیبله ماقده لر.

اوشبو نمایش سونگی ییللرده تورکیه دولتی گه قرشی اویوشتیریلگن اینگ کته اعتراض حسابلنه دی.

پولیس اعتراضچیلر گه قرشی کوز نی یاشله تووچی گاز دن ایش آلگن.

تورکیه باش وزیری رجب طیب اردوغان نینگ ایتیشیچه، پولیس اعتراضچیلرنی باستیریشده، خطا گه یول قویگن. او اعتراضلر ینکونلنیشی نی سوره دی.

اونگه کوره، تقسیم میدانی نی" ایکتیریمیستلر اوچون تینچ مکانگه ایلنتیریش نی خواهله مه یدی".

شنبه کونی، پولیس استانبول ده جایلشگن تقسیم میدانی دن چیقییب، اعتراضچیلر ا و ییرده ییغیلیشلریگه دوام ایتدیرگنلر.