ملی کینگاش مملکت دن چیقیشی منع ایتیلگن بیش اعضاسی حکمی نی رد ایتدی

افغانستان ملی کینگاشی 5 اعضاسی مملکتدن چیقیشی، تحقیق ایتیلیشی وباش قاره لاوچیلیک اداره سی بونماینده لردن تحقیقات اوتیشی اوچون مذکوراداره گه که تانیشتیریلیشی نی رد ایتدی.

بوگونگی مجلس نینگ وقتینچه لیک باشلیغی بولگن، ملی کینگاش نینگ اورین باسری میرویس یاسینی گه کوره، افغانستان اساسی قانونی نینگ 102ماده سی نی نظرده توتگنده، ملت وکیللری خوف سیزلیک حقی گه ایگه لر.

اونگه کوره ملی کینگاش اوز ایچکی قانونی گه اساسله نیب اکثریت آوازبیلن اعضالریدن بیرینی وظیفه سینی وقتینچه لیک توخته آلیشی ممکن، بوندن تشقری هیچ بیر اداره بولروظیفه لرینی وقتینچه لیک توخته تیش صلاحیتی گه ایگه ایمس.

افغانستان مالیه وزیری عمر زاخیل وال تمانیدن عبدالظاهرقدیر، سمیع الله صمیم، محمود سلیمان خیل، محمد عظیم محسنی، محمد عارف رحمانی ولالی حمید زی لرگه قوییلگن عیبلاولر آرتیدن دولت باش قاره لاوچیلیگی تمانیدن بو وکیللر دن تحقیقات اوتکزیلیشی باره سیده بو اداره گه حاضربولیشی طلب قیلینگن.

یاسینی جنابلری باش قاره لاوچیلیک اداره سی نینگ بو ایستگی نی آوازگه قویدی واکثر وکیللربو وکیللرنینگ باش قاره لاوچیلیک که باریشی گه احتیاج بولمه گن لیگی باره سیده آواز بیردیلر.

حمیدزی جنابلری دن باشقه بیش وکیل ایسه باش قاره لاوچیلیک اداره سی گه باریشدن باش تارتدیلر. افغانستان مالیه وزیری، بو آلتی وکیلنی قاچاق ایشلری، واوز مقام لریدن ناقانونی سو استفاده قیلیش مساله لریگه عیب له گن لر.

ملی کینگاش بیرکون آلدین باش قاره لاوچیلیک اداره سی تمانیدن 6وکیلدن بیشته سی نینگ مملکت دن چیقه آلمسلیگی باره سیده چیقارگن حکمی نی رد ایتیب بونی قانونگه ضد بیر مساله دیب ایتگن.

ملی کینگاش نینگ قضیه لرنی اصلاح ایتیش کمیسیونی نینگ گزارشیده کیلیشیچه پارلمان اعضالری نینگ "پارلمانی خوف سیزلیک" حقی گه ایگه ایکن لرینی ایتیب ،اجرائیه کوچی مقننه کوچی نی سیاسی تورتکی لر سبب، اساس سیز عیبلاولرونظارت ایتیش صلاحیت گه ایگه بولمسدن عیب لش حقی یوقلیگی نی معلوم قیلگن.

Бу мавзуда батафсилроқ